بما اني نمت ٦ الا .. قعدت ٩ الصبح !
وقمت وبدلت ولبست جاكيتي اليديد الي شريته من فرنسا ولا لبسته بعد .. وكشخخخت فيه من الصبح لي الليل .. وصاار حرر الظهر وهم لابسه لزوم الكشخه ..
ورحت البدع تريقت بشوكلط بار .. ثم رحت مع جاسم حق استيديو الوطن جان يشفطلنا مناف .. جان نروح ايكيا مال الافنيو وافترينا ولقيت طاولات حلوين ..
ثم رحت الميتنق لازين الفن كلاب .. خلصت ٣ وربع وبما ان الاعانه طارت وقحطت .. جان اروح كيفان ادور مطعم هندي لووول ..
ورحت وشريت مشكل وبيبسي بميتين فلس
ورحت فرع الخالديه انطر جاسم يقط عليي فلوس القلايد كام ‘ دشيت الفرع اقظي وقتي وعندي اميت فلس‘ جان اشتري شي قديييم جدن جدن الي صاير طويل وظعيف وفيه عصير ويثلجونه احيانن ونعظعظه عشان نشربه وكل مره يطشر ويتلفنا .. ييت بحاسب ولا بإميت فلس
يعني انا اذكر قبل هذا كان ب٢٥ فلس مادري خمسين شلون صاااار اميت فلس !
 جان ايي جاسم واروح البنك وقببس جاسم المكينه خربانه وانطر ليين صارت ٥ ودشيت حطيت الفلوس ورديت البيت صليت الي طافني وشبكت شوي جان انزل مع ابوي نفظي قرفت السايق الي بتصير حقي
وجان ايي سلوم وجسوم وفيجي وقعدنا نككرررف وانهد حيلنا لين قدرنا نطلع كل الي فيها , ثم قعدنا بالدوانيه ويا طعاس والشيعي ثم احمدو النجار وفهيد وعبيد ..
كلهم مشو وبقى جاسم وأغلب الظن انه راح ينام بالدوانيه لانه حده دايخ وقافل .. راح نستكشف هالشي بووكرااااااا
 
أحداث مهمه
١- بيظ أومليت شوكلط بار لزيز
٢-  مناف شفطلنا ؟
٣- ايكيا اثاثهم جميل ويبيله فلوس جميله بعد
٤- عبدالله جذذب وسوف يقع ظحيت كذبته .. ولكن شكرن أم مشاري وكل الاصدقاء
٥- جسوم طاح على ريله واهو يشيل الاقراظ .. ظحكو عليه وااك|
٦-الشيعي يستخدم اسلوب الحيلوله بالدوري الياباني
٧-طعاس وعبيد المتين الي ظعف يتظاغطون على عوايلهم
٨-مبروك الشيعي على ماكي

قعدت ٥ ونص .. صاير وااايد انام !
نزلت ياني جسوم .. ثم ممممم حلاو .. ثم مشى جسوم ويا سلوم وطعاس .. عال١٢ جان اصعد وحاولت انام ولانمت الا عال٦ الا !

وكل شوي سنوز وسنوز جان اقوم اغسل وابدل واتوجه للجامعه ..
خلصت محاظرت الصبح وبقالي محاظره العصر ! شسوي شسوي .. خنحوس ..
جان اروح سوق شرق وافتررررررر وافتررررر وماشريت شي .. جان اروح مجمع شاهه واشتري كبوس ..
ورحت كيفان ماكدونالدز مع جسوم حق صلوح وسعيود وتغدينا هناك ..
ثم رحت مع جسوم القادسيه حق اولان .. خذينا شغلنا ورحنا قزينا عالخليج ثم ردني كيفان سيارتي ورحت الشويخ ..
صليت ورحت المحاظرت مالت دكتور محمود .. وييييه شخباااري ..
وقعدنا سوالف وسوالف جد .. والدكتور يقول في تعصب وطائفيه جان حمين يقول لادكتور مافي وهذا الدليل .. ولاااااا الكلب مشغل فيديو الكرسمس بالمحاظره جدام الدكتور والطلبه
والدكتور مبسوط والطلبه يظحكون عليي .. خراب شكلك يالفار الزلمه
خلصت المحاظره وتوجهت للمنزل جان اقط روحي بالدوانيه واغفي .. قعدت ولا احمدو قاع يلعب سوني جان اييون الشباب سلوم مشاري واخوه ، فهيد وسموي وظروي ، جسوم وعليوي .. والشيعي
لعبنا أونو شوي جان يمشون كلهم عال11 وقعدت بروحي لان لازم اييب اهلي من العرس
وقعدت لي ال1 وشي رحت يبتهم ورديت البيت ونمت عال3 وشي..

أحداث مهمه
1- دكتوره: شنو تعرفون عن دولت السودان ؟ .. انا: يحبون يغنون .
2- كل المحلات مسويه خصومات وكل السايزات اكس لارج .
3- البدو يلاحقون بدو .
4- صلوح  يظحك وينزل راسه والعود يدش بعينه .
5- صلوح تدري الي ايده كبر ويهه يدش الجنه ؟ طربااااااخ .
6- صلوح : هلابووي .. كلينكس على راسه .
7- البارتي الي مافيه بارتي .
8- ختام عام 2008 بأونو …..

وقعدت الصبح وداومت .. ولا الدكتور بيوزع درجات الامتحان .. ياا اسمي جان يقول عبدالله السنعوسي ويطالعني واقوله نعم .. ويقول السنعوسي ؟ واقوله نعم ! .. جان يقول عيال السنعوسي كلهم طوال وعراظ ليش انت قصير ونحيف .. مايصير تظغطني جدام الطلبه دكتور ..
المهم درجتي كانت 33 .. لابأس يعني ..
خلصت وداومت المحاظره  الي عقبها وقعدنا نتناقش عن داو كميكال .. ثم المحاظره الي عقبها كنت اسولف مسنجر مع احمدو ..
خلصنا ورحت كيفان مريت الراشف ورحنا فريج صويلح حق احمدو والشيعي ..
وسوالف واكل لين خلصنا رحت قطيت يوسف كيفان ورديت المنزل ..
وقعدت ويالي احمدو المغربيه وسلوم واخوه .. وعال10 رحنا قهوت صبحان قعدنا شوي ثم ردينا ويا ولود والشيعي وقعدنا لي حروت ال2 وصعدت نمت

قعدت عالساعه 1 .. قمت خذيتلي شاور وبسرعه بسرعه توني بطلع حق الميتنق جان ابوي يكلفني بهمت ايصال المفاتيح الثلاث لإبنت الدكتورر .. ورحت واعدتها وعطيتها المفاتيح وانطلقت الى شركة زين .. ودشيت الميتنق وتناقشنا وهاكذا لين صارت 4 ونص ومشينا ..
انطلقت للمنزل عساس المفروظ تسجيلي مبلش ولا صاارت 5 ونص وخلص التسجيل ..
جان الوالده تحطلي القدى مكبوس لحم الله الله الله .. وزحرت جان يوصل جاسم تحت ونزلتله وشوي يا طعاس ثم ظروي مشاري ثم سلوم ثم ولود ..
وقاعدين سوالف لين صارت عال1 صعدت خمدت ..

أحداث مهمه
1- sara to me : you showed us how responsible u r .
2- جاسم : بس خلاص بطلو هاللعبه الخرى .
3- وليد طق احمدو على عينه بالكره اليابسه .
4- السلم نايم .
5- لما اني اكثر واحد دافع راح ااكل وانا مويوعان .
6- متى يتعدل ذوق جاسم بالافلام يارب .

قعدت من النووم متأخر عال5 .. قاع بالصاله جان الشيعي يقول بيسدد فواتيره بالمطار قلتله يالله وياك .. ومرني ورحنا قهوت شيشت الي برى المطار قعدنا مع احمدو شوي ين يا جسوم والسلم .. ثم رحت انا والشيعي الوطنه شرى قطعت وطنيت الشبك .. ثم رحنا ستاربكس الي فوق ومجابلين مجلات ونسولف ونتناقش وفكرنا نسوي مذهب يديد بس هوننا مالنا خلق .. وقررنا نتمشى نقز وقعد جسوم يسوي بحثه واحنا حسنا تحت ..
جان ندش محل نظارات والسلم شراله نظاره شمسيه .. جان نروح محل نظارات ثاني وقلت حق السلم راح تتحسف لان بتلقى نظاره احلى من نظارتك واول مادشيت قعدت اصارخ هاذي احلى من نظارتك وهاذي احلى من نظارتك وهاذي احلى من نظارتك لووووووووول ..
خلصنا وخذينا جسوم وطلعنا رحنا الدوانيه ..
وطلبنا من دومينوز الشيعي عنده عرظ خاص عندهم ..
وكلينا وزحرنا ومانمت الا عال4 وشي ..

احداث مهمه
1- جسوم بنمشي تبي شي ؟ اي بس ييبولي ماي .
2- السلم شرى نظاره ندمان عليها.
3- يوسف & مس تشوكلت قالكسي .
4- احمد : عبود شنو وظعه الحين ؟ .. انا: وظعه أويي هاهاهاههاها

سخفرالله ولا رحت صلات اليمعت
وياني احمدو والسلم وظروي والوظع الخايس كل واحد مجابل لابتوبه وسوني …

وجان اقعد من الصبح عال9 واسبح وابدل وانطلق للكليه الكيفان .. توني دشيت ولا زميلتي تبي موصل كهربائي جان اروح انا وصلوح لوازم العائله ونشتري ورجعنا .. وعطيناه حق رجل النفيش بالكيفان وقعدنا نحوس ونروح ونرد وتاره نلعب بالكره لعبت المريتشي وتاره نوزع كروت حق الناس ونسجلهم .. لين صارت عالساعه 3 وثلث جان امشي واروح شويخ حق جسوم عساس ميتنق الميديا كلب .. قعدنا وتناقشنا ثم عال6 رحت انا وجسوم نيثنز كيفان وزحرنا وجسوم كلا من مطعم باستا واكلهم سخفرالله .. جان نروح تروفاليو ونشتري شجرت الكرسمس ولبس سانتا كلوز .. ورديت البيت كان هناك سعودو وظروي ويا احمدو والسلم وظروي اخوه وسموي وعليوي وولود وصلوح تقي والملاج وطروق الهولي ويوسف الشيعي .. وانا وجسوم دشينا البيت سوينا الشجره ودخلناها داخل الدوانيه وقعدنا نركب عليها الزينه واحنا مبسوطين جدن .. ثم قعدنا نشاهد فلم لين خلص عال12 جان ادش بلبس سانتا وهوووو هوووووو هووووووو .. ووزعت عليهم الهدايا ومشيت عنهم عال4 كنت دائخ جدن ونمت .

أحداث مهمه
1- لعبت المريتشي قامت تتطور شوي شوي.
2- احمد الملا .. ييب الكره لانمصخرك من غترتك .
3- انا وصلوح وصلنا 56 وراح نتأهل حق البطوله.
4- انا وعبدالله العجمي نفس المواليد بالظبط.
5- خلصتو كورنااااا.
6-  اسئل الي تشتغل بتروفاليو عندكم لبس بابانويل؟ تقولي هوز بابا نويل! اقولها أوولد مان وذ وايت بير سيي هووو هووو هوووو .. جان تعرفه.
7-جاسم يستخدم القنفات استخدام غير لائق امام الناس صدفه.
8- بيت التمويل مسوي خصم على شجرت كرسمس ، يعيش التيار الاسلامي.
9- احمد الخراز × الخواري .
10- ميري كرسمس .

وقعدت الصبح وبحيل الله صرت زين
جان ابدل واروح الشويخ وداومت اول موحاظره .. بوريه الطبيه جان يقولي صورها وحطها بمكتبي .. ثاني محاظره بعطيه الطبيه جان يمشي .. ثالث محاظره هم مشى ..
ماادري ليش يايبها وياي انا ..

خلصت عال2 ورحت دخلت سيارتي شويخ ورحت مع جحى العجيب نيثنز وردينا الاداريه قعدنا مع الشباب ..
منيس الزيد بهمن تركي بوفتين زكريا فظلي …
خلصت اكل ورحت حق المقابله بالجامعه مالت تلفاز الوطن حق برنامج اكادميت الوطن ..
ووووقابلوني انا والانسه (م) وقطينا بدليات لي باجر ..
خلصنا ورديت البيت عال4 تقريبن .. قعدت بالبيت وعال8 صار عندي شقل ..
ثم ياني صلوح تخي وطعاس وجحى العجيب وجسوم والفظلي ومنيس ..
وقعدنا برى بالحديقت شوي ونمت عال1

أحداث مههه
1- انشالله احد يشوف الطبيه .
2- الاجهزه الحديثه الحديثه .. مو الحديثه الي عندنا .
3- عبدالله هذا قطه .. لا هذا كلب
4- صلوح هاك الاكسترنل فيه الصور ….. *صالح يحاول يفج الاكسترنل عشان يشوف الصور !

وطبعن ماكو دوام قعدت الظهاري برويحاتي وتعبان ومريظ واكحكح .. قاع بالدوانيه لين صارت عال6 ونص يا طعاس مقتر .. وابوي بدل خلص جان اقوم البس دشداشتي وقترتي جان يزرعنا بدر الفظلظ ومشينا 7 ونص ..
مرينا بيت طعاس لبس جوتي وحط عطر نسائي ورحنا الرايه .. لقينا جحى ومنيس والزيد ودشينا سلمنا عالمعرس ثم ذهبنا للأكل والنهيمه وسوالف وشاهي وام علي ..
لين عال10 ونص ردينا الدوانيه والزيد رد بيتهم ويانا احمدو نجار وقعدنا لعبنا سوني وعال11 وشي صعدت نمت

أحداث مهمه
1- بدر طفل .
2- واحد سوا حركت وصخت بالسياره حق بدور لانه مارظى يوخر عن الحاره اليسار وتمصخر .
3- دشداشت جحى ورديه .
4- منيس راح يسخن الام علي بالعرس .
5- عمي جاسم : اييه العبد سمعنا عندك مشااااريييييييييييع .
6- مبروك عائلت المنيفي عالعرس .