بهاذي الصفحه راح أذكر أسامي كل الي اقدر اني اذكرهم من ربع وأهل ودكاتره وناس علاقتي فيهم سطحيه .. أتمنى محد يتضايق من الموقف الي خذيته منه ولاتنسون أن هاذي وجهة نظري الخاصه ، بالإضافه إلى ان الأسماء المكتوبه مرتبه أبجدياً مو على حسب الأهميه بس عشان محد يزعل .

ربعي :
أ-
* ابراهيم الضعيان : ابرااهيييم صديق الثنويه .. هالصبي طيب ماعنده خرابيط كلش كلش كلش وخدوم وحبوب .. عرفته بالثنويه ووياي بالاعلام .
* أحمد العيدان : خوش صبي تعرفت عليه من الثنويه أعتقد والحين يدرس بالإداريه وابوه نبيل رفيج ابوي (اوكي شتبي يعني) .
* أحمد النجار : أحمد اخو عبدالله النجار .. اول ماعرفتهم ماكنت احبهم على سوالفهم واتوقع الكل جذي .. بس الحين عرفت ان الي مايعرفهم مايقدرهم .. خوش شباب يونسون وسوالفهم تظحك .. احمد عرفته بثانيه بالكورس الثاني عن طريق الاصدقاء .. يدرس بالاداب فلسفه .
* أحمد السداني : أحمد حمد السداني ياكل فول وبرياني لوول ، احمدو خبل عرفته بالابتدائي والحين يدرس بمعهد ماي وكهربا على قولته ، انشالله ماتتخرج وتصير ماريو .
* أحمد فارس العنزي Fox : والله هالصبي حبوب ويحاول يسوي اي شي عشان يخلق جو مرح بين ربعه .. ربعه يحبونه والكل يحبه على اسلوبه .. وعلى الرقم (الرغم) من انه مرات تكون عنده مشاكل ويتضايق (الله يكون بعونه) ومع هذا نشوفه يظحك ويستهبل ويملق .. عرفت احمد من موقع قوه واول مره شفته بالايفنت الاول والموقع يدينله بالكثير .. يدرس بالتطبيقي .
* أحمد الكندري : احمد مستقله الملقب بالشجع .. كله ماااعنده زقاير جذاب ومخباته متروسه زقاير بس يتسلف احتياط لووووووول .. لا حبيب احمدو دايمن يحاول يظبطنا حق المستقله بس احنا نرفظ .. عرفته بثانيه جامعه ويدرس بالااداب جنه متخصص اعلام .
* أسامه العوضي : هذااا عااد الصباحي .. إنسان يحب يكشخ وحبوب عرفته بالثنويه والحين يدرس بالحقوق .
* أسامه السداني : أووه المجسم ، ما انسا يوم اتييني الجامعه تدورني وانا انخش عنك لانك بتطقني .. ارسمني ولا اطقك خووش شغله والله لووول ، وللمعلوميه أسوم اخو حمود توأمه لكن فرق شاسع بالشكل والجسم ، عرفته بالكليه كان طاب وياي بمادة جماليات وعقبها حول تربيه اساسيه جنه .

ب -
* بدر الناصر : لووول بديير والله ايام الثنويه .. ما انسى انك ماتاخذ ماده انقليزي الا انا فيها أو سموي لووول ، بدير واحد تقدرون تعتمدون عليه بالهوشات ماعنده مانع يدافع عن ربعه (وحش) وله تاريخ بالهواش ، عرفته بالمتوسط جنه والحين بالتجاري .
* بدر العوظي : الفك المفترس .. الحلج .. القرش ، تعددت الألقاب والإنسان واحد ، ولد الشيخ محمد العوظي ولو ان محد مصدق هالشغله ليلحين ، حبيب وخدوم ولكن متغير 360 درجه بالآونه الأخيره والكل يشهد على هالشي .. اتمنى اشوفك مثل قبل واحسن .. عرفته بأولى جامعه من التآلف ومتخصص اعلام .
* بدر الحمد : بدور الدميه القاتله ، اخو عزوز الحمد ، خوش صبي مرات احس انه خبل على تصرفاته لوول ، عرفته بالابتدائي كمان والحين بيتخرج من الثنويه واتوقع مصيره التجاري .
* بدر الفظلي : اااخ هالانساان مادري شلوون .. ومادري ليش بعد .. خوش صبي الي بقلبه على لسانه وحبوب واسلوبه حلو بس يخووره وااااااايد وياكثر بدلياته وياااهي مصطلحات مادري من ويين اييبها .. من سوالفه المشهور (اي ترى \ مو هاااذي \ (يهز راسه بالنفي) هااذي اهي \ عورره) عرفته بثانيه عن طريق المنيس ويدرس بالاداريه .
 

ت -
ليش بماشي انسان اول حرف من اسمه ت !
 

ث -
* ثامر الزامل : اييه ثموور انقطعت اخباره مادري وينه عايش ولا ميت اهو وعبيد ولد عمه ، ايام قز الخيران احنا الثلاثه ، عرفته يوم كنت بالابتدائي واهو اصغر مني ب5 سنين يمكن ومادري شنو مصيره الحين .

ج -
* جاسم بورحمت : انسان مفكر .. يحب يساعد .. عنده طموح .. عنده أفكار .. بس احيانن الظروف ماتساعده ، اخو عزيز بو حمود واحترمه ويفهمني بشقلات وايد ، عرفته بثانيه جامعه وكان يبي يتخصص اعلام لكن الزمن حده عالانقليزي .
* جاسم السنعوسي : جااسم ولد عمي ، اخو عبيد ولكن عكسه بشغلات وايد .. جاسم متواضع مو الي تهمه المظاهر يفكر لي باجر ويخطط وتوه فاتح صالة تسليه حق كاونتر وبولنق بالسالميه جبال مجمع الفنار (قاعد اسوي دعايه ؟) .. مايحتاي اقول متى عرفته .. خريج تجاري متزوج والله يتمم عليه .
* جاسم الخميس : لووووووووووووووووووول :×  ..  يقولون ولد عم حمين الخميس مايندرى .. لقبه جسوم المصجوم .. وايد مبصوم .. بس من داخله خوش صبي وطيب حيل ومره عطى مشيري نظارته لانها لايقه عليه .. .. عرفته بثانيه جامعه عند دكتوره عاليه شعيب (سوحقن) ومتخصص انقلش .
* جاسم الفظاله : جسوم ولد الاسكتلنديه .. عرفته بثالثه مادري ثانيه ثنوي وماحتكيت فيه وايد ، مشكور على شريط امينم .. لعيب كره ماشالله وماصادفه وايد ولا ادري عنه حالين بس اشوفه بالصدف بملاعب .
 

ح -
* حمد الشطي : الأرنب playboy كله موهامه احد وكله دايس عالبنات ومادري شنو فلم هالصبي .. ايي مره طالعين واهو قاعد يصارخ انا مو خروف وانا ماكلم بنات .. شوي ولا وحده داقه علييه ويكلمها بصوت واطي لوووووول حمييد .. خوش صبي عرفته بثانيه جامعه ويبي يتخصص اعلام جنه .
* حمد السالم : حمييد صديق الطفوله .. عرفته من الابتدائي يمكن .. امه رفيجة امي وابوي رفيج ابوه ونعرف العايله ، عشت معاه ايام حلوه وايد .. ما انسى يوم نسافر من الكويت لي الامارات وانا وياك بالدبه لوووول ، طيب هالصبي وحبوب والبنات يحبونه .. يدرس بالاستراليه وبيكمل الماجستير فيها .
* حمد العلي : رئيس لجنة العلاقات العامه بالنادي الإعلامي .. حبييب حمد يلقب بالأبو على صوته وأسلوبه .. دمه خفيف وقطاته حلوه .

خ -
* خالد القيسي : طلعتله عظلات حسب انه ملك الكون .. يمشي ويطق (على غشمره) بس هالشغله كثررت من اعدائه ، عدل اسلوبك مع الناس وبيحبونك .. عرفته بثانيه جامعه ومتخصص تاريخ .
* خالد مال الله : الملقب ب خلود بو خدود .. شاطر ماشالله وكان مسوي عصابه وانا من اعضائها ايام الابتدائي ، انقطعت اخباره من المتوسط ومايندرى وين اختفى ، شفته صدفه بمجله مالت الوسط 2007 ، كان يجذب ايام قبل بس اتوقع قطع الحين .
* خالد بوفتين : راعي الهمر ، ليلحين الناس تتسائل شلون تخصص هالصبي لوول ، حبيب بو وليد عرفته بثانيه ومادري ليش ماكنت احبه قبل لا اعرفه .. بس الحين اكتشفت انه خوش صبي ، متخصص اعلام .

د -

ذ -

ر -
* راشد المعوشرجي : رشود العملاق 2 (الجزء الاول مال ظروي) وللمعلوميه رشود يصير حق ظروي ، وماكدونالدز مالهم الي يبيني اظبطه يدزلي ايميل .. عرفته من طرف ظروي ويدرس بالـAUK.
* راشد الرندي : وييه يالقديم ، عرفته بالمتوسط وكنا نتسكع وايد بالقواري ، خوش صبي بس قطع من انتقل حق مدرسه ثانيه .. اشوفه مرات صدفه بس مادري ليش مانسلم على بعظ .

ز -

س-
* سامي الهاشم : إنسااان كله ساكت ويتكلم بقلبه ، وان تكلم يقول شي مو مفهوم .. دايما احسه ضايع وهادي ، عرفته بأولى ثنوي والحين يدرس بالتجاري ، وللمعلوميه سامي اخو فهد الي راح نذكره بحرف الفاف .
* سعود الهولي : انسان متين ومره يقول يظعف ومره يقول بمتن .. الزبده انه هبه يهب بكل شي ممكن يمر على بالكم ، بس خوش واحد دمه خفيف وابوي يستانس عليه ، عرفته بأولى جامعه طب وياي بكذا ماده  وكان يبي يتخصص اعلام والله ماكتب والحين بيتخصص انقليزي .
* سعود العنزي : سعود خوش صبي جهراوي طب وياي بمادة نظريات عند دكتور عبدالباسط وسوينا بحث عن شوتايم .. كانت تجربه حلوه ، عرفته بالجامعه ومتخصص اعلام .
* سالم العريني : سلووم بييقييي سمووولز البطه .. حبيب السلم وماشوفه الا بلعب كره للأسف والمشكله اثنيناتنا مو فالحين لوول ، عرفته بثانيه جامعه ويدرس بالحقوق .
* سالم الزعابي : سلوووم الخبل موصاحي هالصبي .. مع انه حبووب ويونس بس عليه فصلاات بروحه لووول .. وده يسوي شي ووده يفلح بس الحظ مو معاه .. ماتوفق بدراسته بيحول رقبا ويدرس بمصر مادري شبيسوي بالظبط بس الله يوفقه .. عرفته بالثنويه .
* سالم الذكير : سلووم القزم شخباااري مادري شلون مر على بالي .. كاان أول واحد بالدنيا يعلمني كلام وصخ .. مشكوور -,-  .. عرفته بالابتدائي وقطع بالمتوسط .
* سالم المذكور 2 : لووول هذاا عكس الي فوقه .. سلوم (m1non) البطه ، لايقعد مع اخوه من بعيد فهيد يوشي .. يملقوون لدرجة ان محد يتحملهم وياحبهم للكاونتر ، عرفته من تشات قوه ويدرس بالثنويه.
 

ش -
 

ص -
 * صالح عبدالله القلاف Tomy & jack : صلوح زقاير .. يعتبر المصدر الأول لعيال الكليه المقحطين بالزقاير المجاني .. خوش وليد صلوح طيب بس ويهه وايد حبوب مايندرى من شنو الله يستر .. من عرفته ليلحين واهوه وده يموت ولا مات .. الله يطول بعمرك (لعانه) هيهيهي .. عرفته من موقع سونقوس بالمنتدى ايام كان يحط صورت رفيجه يقول هذا انا لووول .. يدرس بالاداب متخصص انقلش  .

ظ -
* ظاري العثمان : ظرووج العملاق ، خوش صبي سافرت وياه احلى سفره مرت عليي رحنا ماليزيا اييه اياام حلوه .. بسرعه يطفر ووااااااايد يملق ولو اني اظحك على ملاقته ، عرفته باولى جامعه ويدرس بالحقوق .
 

ط -
* طارق الهولي : الملقب بالمطعون .. ويعود هذا اللقب نسبه الى طعن في يده اليمنى بفظل بدر العوظي .. خووش صبي طروق الدين بس احس عليه سوالف .. يعني يسمع اغاني بروحه جذي مادري اشك فيه .
 

ع-
* عادل السلطان : عدول بوكشه (SOUL) خوش صبي حبوب وماراح انسى تيشيرت توباك .. عرفته بتشات الموقع ب2007 ويدرس بالثنويه .
* علي البصري : عليوي المتين النشله ، مايهمه غير الاكل ومسرع مايغير رايه ، علاقاته العاطفيه مختله بعظ الشيء بس مقرزها معظم الاحيان .. انسان مايعرف يجذب حتى لو يحلف يبين انه جذاب لوول ، كل ماشوف مايك شينودا اتذكره (اسمممع قاعد ارفعلك) ، كان وياي بالمتوسط بس ماكنت اعرفه وتعرفت عليه بأولى جامعه ومن أهم سوالفه (ابوه عازم ناس مالهم داعي لووول) .
* علي البصري 2 : هذا ولد عم عليوي الأصلي ، راعي الكابرس ، تعرفت عليه بقهوة ديقول وعطاني سيدي مال سنوب دوق .. يقولون ظعف حييل وانت خلك يالي فوقه .
* علي الحساوي : عليويي القزم تعرفت عليه بالمتوسط وكان وياي بالثنويه ، كنا دايما تنتاجر منو اطول من الثانيه سنه انا اطول منه بسانتي وسنه اهو اطول مني ، الحين يدرس بالاداريه .
* علي دشتي : لوول علييويي انسان ماعنده مانع يسوي اي شي .. سوالفه حلوه واذا تبون تحصلونه دورو حمين الفلجاوي ، عرفته بثانيه جامعه ويحاول يتخصص .
* علي الصايغ : يعجبني شعرك ولو اني مو من هالسوالف .. والاحلى من شعرك شورتاتك الي مااادري من وين اتييبهم ، بأول كورس بالجامعه حاول يظبطني حق الوسط ولكن .. لاا وألف لاا هاهاها .
* علي جعفر : الفوورد قررر .. انطر انطررر ياايبلك الفاايبر لا انت ولا كل الشفر بيقدرون يمسكوني هيهي .. حبيب بو علوه عرفته باولى جامعه ومتخصص انقليزي .
* علي المذكور : بو علوه الملقب بـHalfLife خوش صبي بس يبوق وايد يعني ديروبالكم منه .. صك تلفوني عين واختربت شاشته وصلحتها ب65 .. مشكور يالمذكور .. خوش واحد حبوب عرفته بثانيه جامعه بثاني كورس ومتخصص انقليزي وعلى وجه تخرج .
* عبدالرحمن الشطي : ويييه أيااام ياحمين المتوسط .. كان دين فجأه صار اصيع طالب بالصف لووول ، بس لا الحييين تعدل ، عرفته بالمتوسط والحين يدرس بالإداريه .
* عبدالرحمن البالول : مابي اقوول عنك منااافق لأنك اكبر من جذييي .. مايندرى هالصبي دين ولا مودين .. يعني دين بس يقز وبيشتري ipod وتيشيرتات ماركه لوول ، حبيب الحمن عرفته بالابتدائي وكان ييران بيت يدتي بالخالديه .. والحين بالتجاري .
* عبدالرحمن الفلجاوي : حمين انساان مميز ومخه نظييف لكن للأسف مو قاعد يستغله صح ، بس باين عليه قاعد يحاول يشد حيله هالسنه .. موفق ابوي ، عرفته بأولى جامعه ويبي يتخصص اعلام .
* عبدالرحمن العميري : مو انت الانسان الي افكر اقعد وياه اكثر من ساعه .. واحد نجري ومايعرف يقعد عاجل ماشالله عليه نزغه الاشقر ، عرفته بأولى جامعه ويبي يتخصص اعلام مادري تخصص مادري شسالفته .
* عبدالرحمن الخميس : البق بوووس المخرج العوود ، شووفو الصدفه ذاك اليوم قاعد مع ابوي بالدوانيه واستنتجوا ان يدي رفيج ابوه ، وابوي رفيج اخوه ، وانا رفيجه ..ديرتكم صغيره ترى ، عرفته بثانيه جامعه ومتخصص اعلام طبعن .
* عبدالرحمن الساعي : الخااال العملااق ، خوش ولييد بس لاايملق ولا يقط قطته المعتاده بمشي ولا راوتر لااااااااء .. كاد أن يتسبب في مقتل اصدقائه (انا منهم) بحادث صار عالحب الله يهدييك بس لوول . عرفته بثانيه جامعه ومتخصص انقلش .
* عبدالحميد نبيل : اووه هالصبي خطير حبووب ويحب يساعد وانقذني كذا مره (سينما هيهي) عرفته بالابتدائي والحين يدرس بالاداريه .
* عبدالمحسن الدعيجاني : محيسن من الناس المفكرين .. كان شريكي بالهوست وطلع منا كان عنده أمل بانه يحقق شي اكبر من جذي .. اتمنالك التوفيق ، يشتغل بمكان بالبحر شي جذي مادري وين بالظبط :\ .
* عبدالله السنعوسي : اوكي مو انا .. ولد عمي عبيد ، هالشخص نفس اسمي لكن الفرق شااسع ، اهو طويل وانا قصير ، اهو ابيظ انا حنطاوي ، اهو ويهه محفر انا عكسه ، اهو يسمع سمرات وانا انقلش ، اهو سوالف مخيمات وانا بالستي .. اووه بكل شي عكس ، تعرفت عليه ببيت يدتي :p .
* عبدالله اليوسف : هذاا اخو عبدالرحمن البالول .. على قولتهم عديل الروح .. مو انتو باتمان & روبن . عبيد عرفته بالثنويه ويدرس بالـAUK .
* عبدالله النجار : مستر فييييشن .. العبد اخو احمد النجار .. مثل اخوه اول سنه ماكنت احبهم .. بس الصراحه الي مايعرفهم مايقدرهم .. ماله شغل بالاوادم يسوي الي يبي وخبل سوالفه تونس .. عرفته بثانيه بالكورس الثاني عن طريق الاصدقاء ويدرس بالاداب تخصص فلسفه .
* عبدالله الحوطي : اخو عزوز الحوطي .. لووز يالووز ، خوش صبي حبوب ماحتكيت فيه وايد واعقل من اخوه شوي .
* عبدالله العصفور : اييه ياعبيد كانت ايام سوده لما طحت بالمستشفى .. بس الحمدالله قمت بالسلامه ، صبي خبل اذكر مره بالثنويه صورته واهو يشرب شاني وحطيته بموقعي ومادري ليش سويت جذي لووول ، عرفته بالثنويه ويدرس بلندن طيران شرطه .
* عبدالله ملايوسف : الأخ العزيز (Kuwait) ، ياكثر مايغني وينام ويقعد بالصاله ومايدري عن التشات .. عرفته بالايفنت الأول حق قوه بملعب صابون  ، يعتبر من أكبر مشجعين نادي القادسيه ويشتغل بالحرس الأميري .. انسان تقدرون تعتمدون عليه مثل ماهله معتمدين عليه .. Soulja .
* عبدالله الورع : الملقب بورعي Wer3y انسان يحب الكمبيوتر وله انجازاته وحبيب مايقصر بشي .. عرفته بثالثه ثنوي جنه ودرس بالتجاري والحين مادري وين يشتغل !
* عبدالله جواد الصالح ABS : الكاتب المتميز عبدالله .. انسان دش قلبي بسرعه مع اني ماعاشرته وايد ولا حتى شفته برى النت مع هذا احس اني واثق فيه بكل شي .. اسلوبه وطريقة تفكيره تعجبني .. يدرس برى الكويت جنه بأمريكا وعرفته من بداية افتتاح موقع قوه5 .
* عبدالهادي النويف : المتيين هدووي .. خوش صبي هادي مايتكلم وايد وان تكلم سأل .. علييهم طباااااخ عليه مجبووووس لحم مو طبييييييعييييييييي قتل قتل اااع .. عرفته عن طريق عليوي بالقحوه ويدرس بالتطبيقي .
* عامر الكندري : ولد ييرانا .. انسان حبووووب ويحب يضحك ويسوي جو حلو ، عرفته سنة 2006 طلعت وياه مره مع ييرانا الثانين .. مشكورين عالعشى بروبي ات ووز ا نايس ديي .
* عيسى الصلال : الملقب بالمباحث .. الصراحه لي شفته بغرته ونظارته السوده اخاف منه ، خذييت منه موقف حاله حال عيال المستقله ، ايام الانتخابات يسلمووون وعقب مايسلموون هاا .. عرفته بثاني سنه بالجامعه متخصص انقليزي .
*عماد العلي : حاله حال عيسى الصلال ولكن المؤسف بالموضوع اني كنت طاب وياه بكذا ماده وكنا ربع لكن عقب مافازو التآلف ماقاام يعرفني ليييش .. ممموووستااقيييللله -,- .. عرفته بثاني كورس جنه متخصص اعلام .
* عمر السليم : اووه هالصبي حبوب وكله على نياته وطيب بس هذا مايمنع اني اطالبك بدينار ونص الي عطيتك اياهم ببيت سموي ذاك اليوم .. عمور يعشق النينتيندو وكان يدرس بالتجاري والحين بالاردن وعرفته برابعه ثنوي .
* عبدالعزيز البلوشي : مافيزو المخرج العود .. انسان عنده افكار كبيره رائعه .. ماصادفت انسان مثله من ناحية التفكير .. ليلحينه عايش بالسبعينات ويحب هالسوالف .. انشالله نشوفك مخرج عود بهوليوود .. عرفته باولى جامعه طب وياي باول سنه عند دكتوره احلام بالانقليزي والحين يدرس بالاداب تخصص انقلش .
* عبدالعزيز الحمد : عزووز اييه اياام دوانيتك الي كل يوم عندك ليدرجة ان ابوه قام يسئله وين اخوك (عني) لوول .. كنا كل يوم نروح شارع المطاعم نلعب بولنق ونبلع ونرد الدوانيه نقزرها سوني وسوالف .. ماتنسى ايام الدوانيه ولكن للأسف قطعت قطعه .. عرفته بالابتدائي والحين يدرس بالتجاري واخوه بدور .
* عبدالعزيز الصقعبي : انسان ماحتكيت فيه وايد بس خوش صبي وامه كانت الوكيله بالابتدائي فلازم كلنا نتعرف على هالصبي هيهي .. عرفته بالابتدائي وعليوي البصري يعررفه ليلحين .
* عبدالعزيز الحوطي : انسان بصراحه مميز ولو انه غالب الاحيان Freak ! .. محد فاهمه عدل .. يحب يقرا ويتثقف ووجود 2 منه بكوكب الارظ راح يظرنا .. واحد كافي .. عرفته بأولى ثنوي والحين يدرس بالحقوق ومتعثر بدراسته ، نتمناله التوفيق ، واهو اخو عبيد الحوطي .
* عبدالعزيز الدارمي : مستقله .. كان يسلم والحين مايسلم لوول .. ماعلينا ، طب وياي بماده عن عبدالباسط بثالث كورس مادري رابع ، واشتغل وياي بالنادي الإعلامي .
* عبدالعزيز السليم : عزوووز لوول كان يطفر لما اقلد صوته الي مادري شلون صاير ، وايد كنا نتسكع بالحديقه الي جبال بيتهم ايام الخالديه .. وقطع عقب الثنويه مادري عنه .
 
 
 

غ -
 

ف -
* فهد الفهد : الأخ (Yoshi) اييه هالصبي عرفته بالايفنت الثاني جنه بملعب صابون وكنا نخاف لايشوت لانه يشوته قويه لووول ، حبيب الفهدي وللمعلوميه اهوه اخو سلوم المذكور من بعيد ، يدرس بالـACK .
* فهد الهاشم : اخو سموي .. قبل كنت اكرهه ويكرهني بس الحين نحب بعظ .. عرفته برابعه ثنوي كنا نقز ببيوك ابوه عالخليج ونرد الساعه 10 لوووول ايام .. درس بالتجاري والحين ببنك الوطني ومعاشه طاير على تفققههههههههه .
* فارس الوقيان : فروس البطه يااني كنت اكرهه بالثنويه ويحب يطفرني ، بس تعدل وايد الحين لوول ، عرفته بثانيه ثنوي والحين يدرس بالحقوق اشوفه بعظ الاحيان .
* فراس الشطي : هالانسان خلاني امتن بالحبوب الي ياابها لي الي متنتني لدرجة ان بنطروناااتي ماقامت تنصك لوول ، ولكن بعد البحث عن هاذي الحبوب طلعت تسبب السرطان وفشل كلوي وا وا وا .. الله يستررررر .. وسوري ان ماصار نصيب بخصوص الموظوع الفلاني وتشرفت بمعرفتك .. عرفته برابعه ثنوي واهو يشتغل حزتها وعرفته عن طريق النت .
* فهد ذياب : فهيد الاسود كان وياي بالابتدائي وعقبها مادري عنه .
 

ق -
 

ك -
 

ل -
 

م -
* محمد الهاشم : حمود القبي ولد عم سموي وفهيد .. يت فتره كنا حيل مع بعظ بس لين انتقل ثنويه ببيان تغير وماقمنا نشوفه وايد ، من احسن الناس الي شفتهم يلعبون كره (ماشالله) ، عرفته بالابتدائي ويدرس بالتجاري .
* محمد العنزي : قنوش ولد عمتي ، كاان اقصر مني بالابتدائي فجأه صار دبلي ماشالله .. كنت كل يوم وياه ايام الابتدائي والمتوسط والحين ماقمت اشوفه الا من عيد لي عيد :\ .
* محمد المنيس : المصري لوول خوش صبي ويحب التمثيل ويشوف سوالف مصريه ، بس عيبه انه مزااجي واايد وهالشغله مرات تنفرزني فيه .. جهز نفسك حق الدراسه بأمريكااا لووسسسسس أنجلسسسس .
* محمد الزيد : توتو الخال ، حبيب ولازم اكون بفريقه لي لعبنا كره .. طب وياي بكذا ماده اولها عند ماهر جنه بثاني سنه .. والحين متخصص اعلام وخوش صبي طيب .
* محمد المرعي : حمووود كنت أكرهههه .. لانه من اول مانتقل صفنا بالمتوسط صارت مشاكل وتعلمنا شغلاات موزينه وصار احزاب بالصف .. بس الحييين الصبي تغير وخوش واحد وحبيييب مايقصر بشي .. عرفته بالمتوسط ويدرس بالاجتماعيه .
* محمد الدويرجي : ماستبعد بيوم اسمع انه يكون من عبدة الشيطان .. يحب الروك وله طريقة تفكير صعبه واحاول افهمه واتأقلم وياه .. يكره الشيعى حيل ومزاجي بين فتره وفتره ، عرفته بالابتدائي ويدرس بالحقوق .
* محمد القلاف : اووه هذا الانساان مايترقع .. مانسى لما ترجع قري بالملعب وتدش بشاحنه لوووول ، ولا انسى يوم اطلع وياك الجمعيه وينكسر تلفوني ااع .. حمود طيب وخوش صبي وسطي عرفته بثانيه ومتخصص تاريخ .
* محمد السداني : حموود اخوي العوود .. هالانسان احبه واحترمه واحب طريقة تفكيره والشغلات الي وده يسويها .. نتفاهم بشغلات وايد واتمناله كل خير ، بس عييبه انه ماايحترم مواعييده ، عرفته بالانتخابات بثانيه ومتخصص عربي .
* مشعل الخلف : مشيعل علاقتي فيه متردده .. مره نكره بعظ ومره عادي مع بعظ .. عرفته بالابتدائي وانقطعت اخباره بنص الثنويه .. كان يظبط مدرسين ومايداوم -,- .
* مشاري المطيري : اففف هالانسان شنو اذيه ولويه .. على قد ماكرهه مرات يكسر خاطري مادري شلون .. طيب على نياته بس مرات يكون خبيث .. من اقوى احداثه يوم سموي يصيد عليه ويشتريله رصيد خخ .. عرفته باول كورس بالجامعه بمداة احلام والحين  بالاداب متخصص انقليزي .
 
 

ن -
 

و -
* وليد الفودري : مممم مغرور .. معقد .. بالآونه الأخيره (خ) .. بس ما انكر ايام الثنويه كانت حلوه بصحبته .. عرفته بالثنويه والحين بالجيش وكبر راسه وايد -,- .
 

ي -
* يوسف بهمن : قبل ماعرفه كنت ماحبه .. بس الحين لا خوش صبي وايد اغلط بنظرتي الاولى للناس .. شاطر مشالله عليه ويلقبونه ببوقليب ، عرفته بثانيه جامعه واخوه مادري واحد يصيرله مأسس قائمة الورديه ، متخصص اعلام وياي .
* يوسف الزامل : الملقب بالشيعي .. اهو مو شيعي بس نناديه شيعي مادري ليش لوول ، حبيب أويسف ومزرعتهم حلوه وكبيره وعشان جذي حبيب .. لوول لالا ماانتمصلح احنا ، عرفته من طرف عليوي البصري بسنة 2006 والحين يدرس بالاستراليه .
* يوسف الراشد : يوسف المصجوم .. اذا تبون تظحكون بس جابلوه .. وداايما افوز عليه بالسووني واخرفنه (اخليه يسوي خروف ويمشي فيني بالدوانيه لوول) ومااله حظ كلش مو مترقع .. عرفته بثانيه جامعه والحين متخصص اعلام وعلى وجه تخرج .
 

اللسته قابله لتتجديد والتحديث ورأيي بالأشخاص ممكن يتغير .. آخر تحديث تم في 3\12\2007