وقعدنا الساعه 9 الصبح !
ويوسف يحن يوعااااااان يوعااااااااااااااان .. يايبه رمظان ميخالف تحمل ..
يوسف : عادي احنا مسافرين يصير نفطر ..
وجان نسوي جيك آوت ونطلع ونروح نشتري حلوى ..
يوسف : عطني حلوى خنذوق ..
الهندي : هاك
يوسف : ههه اتقشمر وياك شفيك رمظان
الهندي : لابابا مافي رمزان
يوسف : انت سني ؟
الهندي : اي ..

يوسف يركب السياره .. سنعس يااااا*** اليووم مو رمظان ..
انت اهبل تسمع كلام هندي ؟ امش خنئل .. ونروح ونسئل الي بالشارع ونشوف الجرايد وطلع صج مو رمظان اليوم
جااااااان نروح مطعم هندي ونتريق كلاب ساندوتش وعصير .. خلصنا وقعدنا نحوس صوب الجامعات ..ثم قررنا نحدر عال11 ..
وصلنا الخفجي وشرينا مندي تيس عشان ناكله بالدوانيه .. وصلنا الحدود وخلصنا ووصلنا حدود الكويت ويوسف انصجم هناك وطيح الجوازات وكسر الباب وطلعت عورته بنفس الوقت ..
خلصنا من الحدود فجأه نسمع صوت (طققق … طقق .. طقق) خففنا وشفنا ان التواير سليمه ..
مشينا والصوت يزيييييد طااااااااااااق طاااااااااااااااااااق طااااااااااااااااااق .. وعالخط السريع ماشين 40 لين وصلنا البييت
وسلمنا على ابوي وكلينا التيس ثم رحنا القراج نشوف سيارته ولا الأكس مكسور ! والقبي يوسف يدري ان الاكس خربان ومسفرنا البحرين
وردينا البيت وعال7 كان في ميتنق ميديا كلب رحت ورديت عال8 ولقيت طعاس وعليوي والسلم وسلمت عليهم وقعدنا سوالف ثم يا فهيد وعمور وسموي والشيعي .. ومشو عال3 جنه ..

أحداث مهمه
1- رمظان ولا مورمظان ؟
2- يوسف وانصجام الحدود .
3- تيس مندي اللله.
4-يوسف كاسر الأكس .
5- فهد مومصدق ان احنا صبقنا الدوانيه .

وطلعنا وأول صجمه انصجمنا فيها .. السياره ترتفع حرارتها ومااافيها قطرت ماي ونعبيها باستراحت الخيران ..
وشريت رصيد وطلع خطي الثاني هم مقطوع ويوسف ماعنده غير 300 فلس .. وصلنا حدود الكويت وخلصنا ووصلنا حدود السعوديه وخلصنا واستااانسناااااا وفي رحله طويله الى .. البحرييييييين ..
وحااطين اقاني وسوالف وصجام لين وصلنا محطه بالسعوديه تريقنا بيظ عيون وشكشوكه ..
ثم كملنا مسيرتنا ووصلنا البحرييييييييييييين ..
وقعدنا سااعه ندور فندق على طلب يوسف .. والسكارى هناك انواع واشكال .. ماننسى نذكر ان سكران بالاصنصير يذكر الله ويقول لا اله الا الله لووووووووول ..
وسكنا بفندق فينيسا الوصخ الخايس الي اسرير فيه شعر صغار والريموت مايشتغل بس انه يطل عالبحر ..
الجو كااان رطووبه وخيسه جدن ..
المهم نمنا شوي وقعدنا عال3 العصر وطلعنا رحنا السيف وتمشينا وشرينا شويت اقراظ وتقدينا وشربنا عصير وافترينا واخر شي قعدنا بكاريبو شبكنا شوي ومشينا عال10 ردينا الفندق ..
……….
وقعدنا شوي سبحنا وريحنا ثم رحنا مطعم بندروزا مدري شسمو .. المهم انه عجيب .. كلينا وخلصنا وردينا الفندق .. يوسف خنرد نطالع فلم ونتلحف وننام لوووووووووووول ..
وفعلن هذا الي صار ردينا ونمنا عال12 عساس باجر رمظان ونرد مبجر ..

أحداث مهمه
1- يوسف فنادقه مثل راسه .
2- السكارى في البحرين .
3- سكران يسبح على بطنه بالفندق .
4- يه يه يوسف شنو شريت من البحرين ! حركات
5- عصير بطيخ .
6- واحد كويتي بالشارع يدقلنا هرن ويسلم .
7- منو لطيفه ؟
8- باجر نقعد نروح نتقدى .
9- يااارب ترد عشان أنيلكا .
10- يوسف عنده 300 فلس برصيده .. دقو عليه وشاله جان يتحسف ويصكره بسرعه جان تروح ال300 .

وقعدت العصاري شبكت واكلم يوسف الراشد .. جان يقولي شرايك اليوم البحرين ؟ قلتله يالله
قال اظبط سيارتي واييك .. اوكي ..
وقعدت بالدوانيه ويا عليوي وجسوم وطعاس وعيال النجار والسلم وانا نمت عال10 بالدوانيه ..
قعدت 3 ولا ماكو احد .. ودق يوسف قالي انا توني قاع الحين اييك .. وصل وعال5 حطيت اقراظي ومشينا ..
.. ونكمل اليوم التالي

أحداث مهمه
1- احمدو عيونك مخيطه روح نام .

مدري وشلون قعدت 8 ونص الصبح !
واشبك واحوس والعب سوني وتقديت العصر ومجابل السوني والتلفاز وعال8 من الملل نمت بالدوانيه .. قعدت عال11 ولقيت السلم وجسوم وطعاس وابوي .. قعدت شوي شبكت جان انام عال1 بالدوانيه وقعدت 5 ونص صعدت فوق وكملت نومتي ..

أحداث مهمه
1- طعاس : واللللله لو عبيد يدق عليي اسده بويهه بس اهي لأ .
2- السلم : هذا كيك امي قالت حرام بدال لاينقط وده الدوانيه .

قعدت عال3 ونص ..
قمت تقديت ومجابل سوني وعال4 وشي رحت انا وأومي ايكيا شرينا ليتات حقت الدوانيه وقمامه ودواستين وصندوق حفظ الاقراظ ..
رديت البيت وكان موجود بدر العوظي وجاسم وابوي ومال البرادي وقعدنا نشوف ستاره نحطها ..
ويا طعاس وقعدنا نشوف الخامه وهاكذا لين قالنا القعده مع الستاره ب400 .. هه
المهم وجان اقعد شابك ومشى بدور وانا خذيتلي قفوه وقعدت على صوت درل .. يا السلم وابوي قاع يركبون الليتات ثم يا طعاس ومشى عال1 ويا الشيعي ..
وقعدنا نطالع فلم رعب وانا منسدح وصوب ريلي الشيعي .. وعسى ماصارت لقطه تخرع الا رفسته
على نهايت الفلم الشيعي راحت خاصرته لووول ..
وعقبه حطو فلم ثاني جان انام وقعدت عال6 صعدت فوق ونمت ..

أحداث مهمه
1- نشكر المتينه عالكيكه الي فيها كستر واشياء بلاستك .
2- اللله دوانيتنا قااع تكتمل .
3- اسف الشيعي .

وقااع من الصبح عال9 الا مدري وش عندي ..
وقاع احوس لين عالظهاري ياني جسوم ورحنا الظجيج شرينا زوليه وردينا الدوانيه ورحنا العدان وماكو صبق جان اروح الفنطاس ومال الصبق مو موجود جان نروح العدان ونشتري صبق وهونا بدأت القصه ..
وجان انا وجسوم ناخذ الفرش ونقعد نصبق الدوانيه الطوفه الصفره ثم العنابيه .. وماخلصنا الا عال7 .. وخذينا القنفات وبمجهود عظيم قدرنا نطلعهم من الباب ونظفنا الدوانيه.. ثم يا مال الزوليه وركبها .. الللللله هاذي الدوانيه الي يحلم فيها كل مواطن …
ويا عقبها طعاس والسلم ودخلنا القنفات الى الصاله ويبنا مساند حق الدوانيه ودخلنا التلفاز والاشياء الي كانت موجوده وانهد حيلنا ..
بوقت متأخر يا يوسف وصجم عمره ..
ومانمت الا عال8 الصبح ..

أحداث مهمه
1- نشكر جاسم بورحمه على تعاونه .
2- رفيج مال الصبق : عااوز حااقه احسن من الحشيش .. الأفيوووووون .
3- احمد والقصه الممنتجه ومطعم فايز وال7 ونص .
4- احمد : عمي الي صبقو الطوفه جامعيين والي ركب الزل هم جامعي ؟ ابوي : لا دبلوم .. انا : اي احمدو هذيل الدبلوم حدهم زل .
5- يوسف شكو سافط بمسفط امي !
6- يوسف : هاك الممري ….. بلوووب ، الا يوسف قاط الفلاش ممري بقلاص الماي لووووووول .

القائل : احمد طعاس
المناسبه : عن لون الدوانيه
البدليه : اصبق برتقاوي
المقصد : اصبق برتقالي

القائل : علي البصري
المناسبه : عن صوره مركب جسم على راسي
البدليه : ديد خطك عوي
المقصد : خط ديدك عوي

القائل : احمد طعاس
المناسبه : عن لون الدوانيه
البدليه : اصبق برتقاوي
المقصد : اصبق برتقالي

وقاع عال9 .. وشابك فوق بقرفتي وعليوي يالي بالطريج بيعزمني قدى ..
يوم وصل جان يقول ياحمار ليش ماقلتلي ان السلم موجود .. السلم وينه !
تحت بالدوانيه يالله انزل
وانا شدرااااااني .. نزلت ولا السلم تحت لوول .. جان نتقدى وكرمك الله علي ..
خلصنا وقمنا نشتقل ونصبق الطوفه ثم رحت العدان مع جسوم وعليوي شرينا صبق وردينا وصبقنا .. عال6 وشي بدلت ورحت شكوليت بار البدع عند عماتي وسوالف ثم رحنا الشاليه بموفنبك وقاعدين سوالف وهاكذا لين حروت ال11 رديت المنزل والشباب يشتقلون يعطيكم العافيه .. وكان يوسف الراشد وطعاس موجودين بالاظافه الى جسوم والسلم وطعاس ..
صعدت نمت عال12 والشباب كانو قاعدين بالدوانيه يلعبون ..

أحداث مهمه
1- كرمج الله عمتي عالشوكوبار .
2- عمتي : اووه عبيد قاع تكلم طوفه .
3- يوسف : انا بيي الدوانيه وبصجمكم واااحد واحد .
4- يوسف : عبدالله تعطيني قميصك اروح امتحن فيه باجر .

قعدتني بنت عمتي 12 وطارت النومه (علي البصري اظحك)
وقعدت شابك ثم تقديت مع اهلي وعال3 وشي يت عمتي وبنتها وعمتي الاخرى وانطلقنا الى الخفجي بيشترون شقلات ..
وقعدنا نفتر وشرينا وخلصنا وردينا الديره ولا دواااانيتنا مافيها ستاااره وابوي وجسوم قاع يظبطون الدوانيه يعطيهم العافيه واحمدو وسلوم قاعدين وبوحمد ..
قعدت وياهم شوي سوالف بعدين عال12 دخت وقفلت صعدت ونمت ..

أحداث مهمه
1- ليش رطوبه … ليش مو براد وجو حلو .
2- احمدو يالككلب انا ماسافر عبث .
3- احمد : لااتااخذ هذاا والله موزين .. انا : بس كيبوورد يشب لييييت بالظلمه .

قعدت 7 ونص وبسرعه بسرعه بدلت ونزلت ولا بويهي سلوم وفهيد وعمور يايين ، راحوو مع ابوي تعشو برى وانا ورحت اجتماعنا 2#
تناقشنا وخلصنا عال10 ورحنا طلبنا من ماك انا وصلوح وردينا الدوانيه وكان هناك عمور وفهيد وسعودو والشيعي وبصري وظروي والسلم …
 وقعدنا نشوف فلم وخلصنا ومشو الجماعه وعال3 الفير بقينا انا وسعودو ويوسف وظروي ..
ويوسف القبي محنج يبي يسوق الرب ستيك فطلعنا بالفريج وعلمته .. قام يسوق واستانس جان يروح بالنزله مالت الشارع ودايس ويصارخ عبيييييد شلون اوقف ! عبييييد .. عبيييييييييييييييييييييييييييييييييي *طااااح طييييييخ شششششششش *
جان يتكسر الاثول ويوديه سعودو المستشفى لووووووووول
وانا قعدت مع ظروي لي عال5 تقريبن وصعدت نمت..

أحداث مهمه
1- انشاللللللله يارب نفوز بالانتخابات .. انشالله .. انشالله يعني .
2- صلوح يالقبي ليش مالفيت وياي البانزين لوووول .
3- الشيعي القبي تكسر الرب ستيك .