قعدت العصاري عالا4 .. دق عليي الاحمد النجار بييك ونروح حولي انييب الاب توب .. اوكي
قعدت ادرس على ما جا ورحنا حولي خذينا لابتوبه الي مايتصلح .. شريتلي جم شغيله حق الكمبيوتر ورحنا مطعم بوخظر وعزمني الاحمد على فلافل .. ردينا دوانيتي ويانا حماده عنده شغيلات بالفوتوشوب سويناهم ثم يا يوسف الصجمت ..
مشى حماده والنجار وباريت يوسف على دينار ويا جسوم .. جان يكسر خاطري يوسف وخليته يفوز عشان ياخذ الدينار ..
بعدين عال1 مشى يوسف ورحت مع جسوم هارديز العدان شرينا اكل وعزمته .. بس لحظه
شنوووووو يعني وجبتين كبار ب4 دنانييييير !! يعني هارديز صج احبك بس مو جذي انك ترفع اسعارك وتخسرني
ورحنا دوانيت النجارين وكان المتواجدون عبدالله واحمد وفهد النجار والفكهاني ..
قعدنا ناكل ونسولف  لين طلعت الشمس عال5 تلقينا نقزات كبيره من اخونا عبدالله فمشينا وقطني البيت جسوم واهو مشى ونمت عال8 الا ربع جنه ..

احداث مه
1- مروحة سيارت احمد على وشك الانفلات .
2- حولي جنها تايلند .. وجوها نفس بوكت .
3- جسوم ظايق خلقه .
4- يوسف خذا دينار .
5- حمين شنسمي قائمتنا ؟ خلني افكر .. خلني افكر !! حلو الاسم .. هيااااااا خلني افكررررر .. هيااااااا .

وقعدت من السااعه 10:04 .. وبسرعه سببحت وبدلت عشان اروح الشويخ عشان نكلم سمير رئيس قسم الاعلام على تخصصي الي بيلقونه
فرحت هناك حق يوسف الديحاني والبنات كانو  هناك مسوين كتاب فرحت مع يوسف لاب الاداريه وعدلنا الكتاب وطبعناه وردينا عن رئيس القسم جاان يتردد عن موقفه ويقولنا طبعن طبعن الي عاوزينه انتو نسويه
طلعنا منه سلمت على دكتور محمود الموسوي ومشيت رحت الخالديت بيت اديدت ..
قعدت مع اديدت وعمتي ب .. ونسولف وهاكذا عوقوب مشيت ذهابن الى بيت عمتي ش الي عزمت عمري عندها عالقدى ..
ورحت هناك شابك واسولف مع العمتي ثم يو بناتها ويا ابوي وتقدينا ثم قعدنا نسولف لين حروت الاربع دق جسوم بيروح الشاليه بياخذ الجيييست سكيي من الموصلح ونقطه الشاليهت .. فرحت وياه قطينا الجت وحدرنا الديره ورحنا البيتي خذيت اللاب توبي ثم رحنا بيت القلاف خذينا منه سيديات ثم ماك السره (كرمك الله جاسم عالنقت) ثم رحنا السرداب واشتقلنا شوي بعدين يو الشباب (انوس اخو جسوم .. قلاف .. اكادمية سليمان الوطن .. احمد صديقهم .. حمين الخميل) والي يلعب سوني والي يفكر حق دعاياته والي والي ..
مشيت من عندهم عال2 وحدي دايخ ونمت عال4 الا ..

أحداث مهمه
1- فجأه واصلني مسج من رقم قريب .. يوم الخميس صوره جماعيه .. اوو هذا حمادت .
2- ادييده عطيني جم الف واشتريلج احلى فيلا بالريف الاوربي .
3- كرمج الله يالعمتي عالقدى والربيان .
4- عالبركت آل بورحم عالجت سكي .
5- جاسم .. لازم نطلع 4000 دينار !
6- الااااااااااااه الحرررررررررب .
7- مشكور عبدالرحمن عالصمونه المقرومه .. اليوع سلطان .
8- دعايت بيت الزكات .. حصالت يهود على شكل خنزير .. بعدين تمشي ويصير بباي .

قعدت عال11 وبدلت ورايح طاير عشان اسلم البحث ..
رحت الكليه شريت فولدر ورحت حق الدكتوره ولا مو موجوده ! لايكون تأخرت انا ..
رحت حق السكرتيرت جان تقول مايت الدكتوره اليوم فااعطيتها البحث ومشيت ..
لقيت الشله اللوكريه فلجاوي ودشتي وعبيد نئار ..
شريت بيبسي وطلع حار .. المكيينه تطلع مشوربات غازيه ساخنه ..
عطيته الهندي يحطه بتب ماي بارد عشان يبرده يعني ..
والناس كل مايشترون مشروب يطلع حار يعطونه الهندي .. جان يغتنون الهنود ويخشخشون .. جان دشتي ياخذ قوطي ديو ويخظخظ فيه ويطقه وحذفه بالشارع وطشر وايد .. وكان هذا من اخر انجازات دشتي لعام 2008 في الاداب ..
رديت البيت عال1 الا وقعدت مع اهلي وتقديت وقعدت اشوف بللابتوب رحلات دراسيه بأمريكا وشفت خوش رحله كروز .. يصير خير يصير خير عبدالله ..
نمت عال4 وقعدت 7 ونص رحت حولي قطيت لابتوب احمد النجار وشريت شحن حق خالتي .. رحت مطعم فرح شريت صمونت مرتديلا بالجبن وقوطي كولا .. ب650 !!!ليييييييييييش
جان اطلع ربع مجفس قديم وخرده
وقعدت اسولف مع المصري جان يقولي انت من الكويت ؟
قلتله شكلي سيلاني ؟
جان يتبوسم ويسلم عليي لااا معلش بس اصل مشبه عليك
اقوله لا عادي وايد قالولي سيلاني
خلصت وانا راد البيت انكت بحظني الكولا ..
رديت البيت وقعدت ادرس وياني احمد النئار لعبنا سوني ثم مشى وصعدت فوقق قاعد مع الامي وابوي واكتب بالبلوق وبنام عال4 اتوقع ..

أحداث مهمه
1- مبروك دشتي على هالانجاز الرائع .
2- قاعده ترتفع الاسعار واجد .
3- احمد النجار منزمان موشايفينك عندنا .
4- اااع الله يستر .
5- كل عاام وانتي بخييير

واليوم قعدت عالعصاري وغسلت وبدلت وهالحجي وتقديت .. لي عال10 عساس بنروح حق سموي ونطلب مندي حقي انا ويوسف وعلي .. باللحظات الاخيره جان تتكنسل الدوانيه وتهنا ..

جان اقولهم يجون عندي .. وانا وعلي مشتهين عيش قلنا حق يوسف يشتريلنا .. قال زين بس ماعندي فلوس بدبر وعطوني قلناله اوكي .. جااااااان عال12 الا يدش علينا الفااارس يوسف الراشد واحنا يوااعااا .. صينيييت عييش دجااج ولحم اللللللللله
ودبيناااه بالخمس .. جان يكبس علينا احمد الخزاز وياكل ويانا

يوسف الراشف يابلنا اكل لانه تسلف من الخدامه .. كرمج الله ..
ولي حروة ال1 مادري 2 مشو الشباب ونمت عال5 جنه ..

أحداث مهمه
1- كرمج الله خدامت يوسف .
2- عيال الراشد فلوس ! اشووفك عازمنا من فلوس الخدامه لووول
3- احمد الخراز .. مصجوووووووووووم وتاااايه .. فقد 300 هندرد عشااان 1 هندرد !!
4- حصلت على لقب ملك العيوش بمبارات سوني مع يوسف
5- يوسف حصل على لقب الفذ
6- عطيت يوسف دينار جان يقطه بويهي يقول خل العزيمه عليي وانا ادبر اعطي الخدامه

قعدت العصاري .. سقفرالله ليش محد يقعدني حق الصلات
قعدت ومجابل الويي والاب توب والملل القاااااااااااااااتل والشباب مادري وينهم .. عال11 رحت ماك طلبتلي عشى ورديت البيت ونمت عال2 جنه

احداث مهمه
ماااكو احداث مهمه

وقعدت الصووبح لان وراي امتحاان ..
وارووح اليامعت وادش الكلاس انا وواحد بس ويت الدكتورت ..
جان تعطينا الاوراق .. يمكن 4 مادري 5 ..
حليت الي عرفته وفي صفحه كامله مافيها غير سؤال واحد ولا عرفته وعليه 6 درجاات..
جان اسكب فيه واعطيها الورقه وقالتلي صبر ليش مو حال هذا .. قلتلها والله ماعرفته .. جاان تقولي شوف اكتب كذا وكذا
يسسسسس والله انج وحش جان احل واسلمها ومشيت ..
وبما ان الكليه حر وخيسه جان ارد البيت اشبك .. بطريجي فكرت ان نطلع نتقدى جان ادق على فهود اخو سموي وقال اوكي .. دقيت على عليوي وسموي بعدين لما شبكت قلت حق الخزاز والصجمت وقالو حق الشيعي وقلت حق الجسوم ..
جان يدق عليي النئار احمدو يبي كامرته عال1 .. فرحت الكليت وعطيته الكامرته ثم رحت الحلاق حددت .. ورحت صوب الديوان لان عندهم وايرلس وقعدت بالسياره شابك
بعدين رحت حق الجسوم بالكليت مع عبيد النجار .. ونطرنا أنور المتوع وركب مع جسوم ومرني الشيعي وطلعنا عالحب ولما وصلنا صوب تشليز تذكرت ان ماعندي فلوس ورحنا نسحب وزحممممممه الخليج ..
يوم وصلت البنك اشوف بوكي ولا عندي فلوس ااع .. بس هم جان اسحب ..
ررحنا التشليز وبدخلتنا يا فهيد وسموي وعليوي ورحنا حق الشباب هناك ..
قعدنا نصور وطلبنا وظغطنا يوسف واستمتعنا ..
الحين السالفه ان يوسف وانور يايين مع جسوم وعبيد النجار .. بس جسوم وعبيد عندهم شقل ظروري ومشو ..
وبالطلعه رحنا سياييرنا جان يوسف يقول لحظه انا وين سافط سيارتي .. سيارتي بكيفاااااااااااااان
لوووووووووول
جان ايي وانا اهو وانور ورحنا مرينا اربعتنا بالاظافه الى سيارت فهيد فيها سموي وعليوي .. وصلنا نص الدرب لي مرينا جان يتذكر المصجوم ان بوكه مو معاه وردينا تشليز ..
جان ياخذ بوكه ونرد مرينا وقعدنا نمشى وشريت نظارت يديدت لان نظارتي ذيج ظايعه ..
عقب الفراره الشيعي قطنا على سياييرنا ورديت البيت ثم ياني عليوي ثم الشيعي وثم جسوم البورحمي واحمد الخزاز وفهيد وسموي ثم بوقت متأخر كالعاده يا المصجوم ..
وكالعاده رفعنا راس الكويت وسوني وطلبنا من شيخ الفطاير ونسيت لا اطلب حق الخزاز زعتر (اسف) .. واخر الي مشو يوسف المصجوم الصبح .. وعليوي نام عندي وصكيت الليتات وصعدت قرفتي ..

أحداث مهمه
1- دكتورتي وحش .
2- اول مره يطلع ويانا انور المطوع .
3- عبدالله وجاسم والخطر معهم .
4- يوسف الصجمه بيصورونه بكاميرا فوتقرافيه .. ويسئل جاسم بتصور فيديو ؟
5- سموي وفهيد .. شسم امكم ؟
6- ظحكت جسوم واصله لي حمام الرجال بالمطعم .
7- شريت نظاره يديده .
8- يوسف تايه .
9- عليوي نام عندي وقعد الفير وماله خلق يرجع بيتهم جان يكمل نومته وقالي ان الباب كان مو مقفول وخفت عالدوانيه عشان جذي نمت ولا كنت بمشي .. ممم خير خير .

اليوم قعدت العصاري بما اني شافط يعني ..
لي المقرب ياني يوسف الشيعي وقلتله اعطيك 5 دنانير وتكتب البحث عاللاب توب .. قالي لا بس جدد اشتراكي قلتله زين ..
قعدنا نلعب سوني وجذي بعدين كتبلي البحث ثم رحنا ماكدونالدز شرينا عشى (عزمته) ثم ردينا الدوانجه قعدنا نطالع مبارات النهائي العظيم التشلسي والمان .. اسف لكن ماني موصخ البلوق بهالنادي (شدعوووووه عليك عبدالله) اوكي مانشتسر يونايتد
وللاسف فازو علينا بالبلنتيات .. ومعروف ان البلنتيات مو فوز رجوله .. عشان جذي ياسموي .. نطالبكم بمباراه ثانيه .. ناد ربعك وقولهم يتدربون عدل لان رااح نسحقهم
ومشى الشيعي عقب المبارات ونمت عال3 جنه ..

أحداث مهمه
1- مبروك الشيعي عالتجديد الاكاونت وياقبي شيل الاوتو تجديد .
2- عزمت يوسف عشى .

وقعدت الصبح بدلت وهالحجي ..
رحت الكليت .. بما اني ماداومت محاظرت الي طافت مالت اساسيات الي المفروظ الدكتوره تقولي متى راح تمتحني مؤجل ..
فرحت الكلاس وسئلت واحد متى بتمتحنا.. جان يقووول اليووم ! هوووباااااااااا
واتوهق واحاول ادرس بسرعه بسرعه لين صارت 9 وربع ومايت الدكتوره ! جان يمشون الشباب .. جان امشي ورااهم
قعدت بالشو ستريت مع اخو عماد والشايجي .. خذيت استبيانات من المتينه قعدت اوزعهم .. ثم رحت لعبت طائره انا وثوفي ظد ابراهيمو والقيسي قاعد .. ثم تعبت ورحت الكوفي بين مع المتينه ..
ولاني سويت استبيان عزمتني على باستا دجاج .. وقعدت اظبط لابتوبها بعدين يا الجسوم ..
ثم رحت الكليت عال12 الا ورحت حق الدكتورت الي مايت الصبح ..
دكتوره ماداومتي اليوم ..جان تقول اي خلص الدوام .. زين وامتحانا المؤجل ؟
يووم 22 .. ممم زين شكرن ..
ورحت داومت احصاء الي مادري ليش اداومها بعد .. اجامل عمري يمكن !
خلصت المحاظره ورديت الكوفي بين ويا بعدين الجسوم ..
وملل وهاذي تحن وتتحلطم وجسوم دايخ ..
جان ينام جسوم بالكوفي بيين ..
جان انا والمتينه نفكر نسوي فيه دقه .. مممم .. خنربط خيوط جوتيه ببعظ

واهي مستااانسه جان تفلل خيوط جوتيه وميته ظحك واهي منزله راسها وتربط الخيوط ..
في ذيك الاثناء جسوم مسطل ومتنح وقاعد يطالعها واهو قاعد من النوم واهي مااتدري ورايح تظحك وتربط
وانااااااااااا ميييييييييت ظحك عليهم .. الي نايم ووييهه انواع التسطل .. والصجمه الثانيه الي ميته ظحك وماتدري عن شي لوووووووووول
جان تكتشف انها قبيه وتنزل راسها واهي تظحك جان جسوم يكمل نومته وانا شابك ..
قررنا نمشي العصر وانا حدي دايخ جان اروح الحولي استلم بحثي ورحت البنك حولت فلوس حق مارك ..
بعدين رحت المكتب ونسيت شقله جان اروح البنك مره ثانيه واحط فلوس وارد المكتب ومامشيت من المكتب الا عال11 ..
جان اييني البيت احمد الخزاز والبصري جنه بس ..
ونمت عالفجر ..

أحداث مهمه
1- المتينه مصجومه
2- جسوم مسطل
3- ماعرف اوقع

الصبح وكنت دائخ فكل شوي اسوي سنوز .. المهم ان عندي بحث لازم اسلمه اليووم وماطبعته فببالي اروح مصور الهندسه بالفرع الخالديت واطبعه .. جان اروحله ولا مصكر ! .. جان اقول ماكو الا اليدوان .. ولا بس هندي واحد قبي يشتقل وجدامي ناس وزحمه وا وا وا المهم ماطبع الا الساعه 8 ونص ومحاظرتي تخلص 9  .. وصلت المحاظره 9 الا ربع وشريت ملف وسلمت البحث .. عوقوب رحت القهوت الديقول لقيت عليوي الحساوي سلمت عليه وقعدت مع علي البصري ثم يانا علي الحساوي وطلبت ريوق من قهوت فيوتشر ..
كليت وخلصت ورحنا الجامعت الشويخ وقعدنا نوزع فلايرات انا وتقوت وهولي وبصري وانظم الينا مجموعه عديده من الشباب ..
لين بدت الندوت رحت انا والجي بي وقعدنا نعزم ناس كثيرت ..
والحمدالله بدت الندوت وصار في حظور كبييير جدن انترست قاعت 700 كرسي + الاماكن الي فوق كان مهود رائع من النادي الاعلامي شكرن لكم ..
خلصت الندوت ورحت مكتبت الشويخ عساس بسوي بحث يعني .. جان ازهق جان اروح حولي واقطه على محل يسويه ..
ورحت خذيت لابتوب المتينه من المحل وشريتلي اكل ورديت البيت ..
وعالبليل ياني احمد النئار وعبيد اخوه وجسوم ومنيس والخزاز .. واحمدو يايب وياه فلم اسمه 21 ..
طلبنا من شيخ الفطاير ووصل بعد ساعتين تقريبن وقعدنا نطالع الفلم وعلق على اخر شي ولا عرفنا النهايت ..
مشو الشباب عال1 ونمت عال3 جنه ..

أحداث مهمه
1- الندوت المحامي الخالد .
2- التلفزيون الوطن .
3- الفلم الي ماشفنا نهايته .
4- شيخ الفطاير يطول واييب الاكل بارد .. ولكنه يستحق العناء .
5- صالح تقي (تقوت) يسميني قطوت ليش ان جني قطوه .. لييييش !
6- اختي السوده وحش والله .

وهم قعدت العصاري صليت وغسلت ونزلت تحت العب ماريو كارت وارفع راس الكويت ..
جان ايي حلاق الحديقت وظبط حديقتنا صاارت جنها هايد باارك ..
وعال7 الا ربع قمت ورحت دوانيت الخمنيس عساس في اجتماع حق الشباب حق بكره الندوت ..
ووصلت مالقيت احد جان اروح كنتاكي اطلب بوب كورن صغير و2 باربكيو صوص و2 جبن شيدرز ..
رحت الدوانيه لقيت بدور وقعدت اكل ويا عقب صالح تقوت وجسوم بورحمت ..
ونطرنا وايد جان انزل السوني وامصخر صالح تقوت ويو عيال النجار ومصخرت احمدو بعدين يو باجي الشباب وبلشنا ميتنق ..
خلصنا ورحت مع احمد الخزاز مال التصوير سوينا كرنيهات وردينا الدوانيه قعدت شوي ماطولت ورديت البيت عال11 ..
قعدت اكتب تقريري المليق مال علم نفس لين صارت عال2 نمت ..