اليووم بدووري سافر وقعدني من النوم عساس اوصله المطارعالساعه 10 لكن ماقدرت فطارت النومه .. قعدت شابك لي عال2 ونص تغديت ومشيت عال3 صبيت بانزين ورحت الكليت

خلصت المحاظرت رحت مع دشتي والفكهاني الحقوق نشوف درجت دشتي ممبرووك 32\40 .. خلصنا قطيت حمين سيارته بكيفان وقطيت عليوي بيتهم ..

مريت حصون وردينا البيت قعدنا شوي ومشينا كوول العائله الى الاحمدي مع عمتي وبناتها تعشينا هناك وبعدها تمشينا ورحنا الكنيسه نشوف الاحتفالات ودشيت دااخل قعدت اغني ويااهم جني هندي ظاايع بينهم لووول ..  ورحنا الكوت ومركز السلطان وردينا البيت عال11 وشي .

وبهذا انتهى عام 2007 وندخل بال2008

أحداث مهمه :
1- رفيج دكتور ظافر يسفط طيارته برى .
2- اول مره أدش كنيسه واقعد عالكراسي الخشبيه واغني وياهم .. وقبل لا اطلع دعيت حق توباك .
3- زلقت زلقتن مازلقتها بحياتي خخ .

اليوووم قعدت السااعه 10:59 بالظبط .. سبحت ودقيت على ابوي ورحتله الخالديه سلمت على الجده وعماتي وخذيت فلوس من ابوي وانطلقت للمجمع المارينا ..
وصلت هناك عال12 وشي قعدت احوس واحوووس ادور شي ينلبس ماااكو سقفرالله لين طلعتلي ببلوفر خفيف و3 كريمات من بدي شوب .. تووووووووووووو شسمه

رديت البيت تقديت وبدلت ووصلت المارينا ال3 .. كان المفروظ اني اقعد مع بدر لكن بدر عنده مشاريع مهمه .. مشاريع شعرها اشقر  خخ
قعدت عالبحر الجو كان حدددددددده واااااااااااااو وتوباك كان يطربي والوضع كان فعلن مظحك .. تلفزيووون الواااقع
اهو ترقم .. اهو تحرش .. اهو ظراط خخ والله يونسون الكويتيين يريت في منهم وايد

عال4 خلص بدر ورحنا الفندق وقعدنا نظبط شقلات وعقب يو البنات والشباب وقعدنا نرتب الشهايد وهاللويه .. الحفل المفروض يبلش 7 وللاسف بلشنا عال8 الا على ما يو الناس وهاللويه

المهم خلصنا الحفله عال10 وشي ومشينا من هناك 11 وشي رديت البيت وخشششش
أحداث مهمه
1- انشالله ماينقص عليي واشتري قطعتين وااخذ الثالثه ببلاش .
2- عندما احاول اقنع اخو حمد الصغير اني مصارع .
3- نوروو اووكتي ربحت ديفيدي من النادي الاعلامي يه يه .
4- انشالله ماتنادون اسمي وتكرموني واصور بشهادت البنيه لوول .
5- انشاللللله مايتكرر نفس الموقف مع جسوم لووول .
6- انشالله ماتكسر فيني حمني وتلم لابتوبك .
7- بق بق بق .. بوف بوف بوف خخ .
8- دكتور انس تغشمر وياي الله
9- حمني مواصل 36 ساعه .
10- حمد تعرجب عالستيج .
11- الحفله كاااااااانت رااااااااااااااااااااااااائعه يعطييكم العافيه كلكم احبكم :*

وو اليوم قعدت العصاري وباجر الحفلت ووو

دق عليي حمني المغربيه عساس اسوي الكرنيهات .. رحت بيت حمني خذيت الصور من بيتهم ونسيت آي بودي هناك وبعدين رحت بيت زميله ثانيه اخذ منها باجي الصور وبعدها رحت مطبعة الديوان بكيفان وقلتله يسويهم ورحت الخالديه خذيتلي وجبه من هارديز وشريت خيوط من المكتبه حق تعليق الكرنيهات ورديت كيفان ووو خذيت الكرنيهات

ورديت بيت حمني وعطيته الكرنيهات وقعدنا بالدوانيه شوي ورديت البيت ودزيت صور حق حمني اااا كان في شوية لويه يعني ..

اليووم قعدت العصاري .. شابك لي اخر الليل .. ونمت .. ماكو احداث ماكو بلوط

المناسبه : تعليق على صوره
القائل : فهد الهاشم
البدليه : فولت فتحتك
المقصد : فتحت قولتك

ونذكر بدليتين للاستاذ عمر وسامي

المناسبه : تعليق على ملعب
القائل : عمر السليم
البدليه : الملعب خايخ
المقصد : خايس

المناسبه : محاولت يظغط
القائل : سامي الهاشم
البدليه : يالمتيان
المقصد : يالمتان

اليووم هم قعدت مبجر عال9 ونص .. قعدت طقطق وشبكت لي ال10 ومشيت رحت محاظرتي بشويخ .. خلصت ورحت كيفان قعدنا سوالف وجذي ..
وعقب … مممم .. وقعدنا نسوي نغمه حق الاستاذ علي دشتي .. وعقب قعدنا نسمع نكتت عيال النجار الي مافهمت منهم شي ولكن لحسن الحظ اني جاملتهم وظحكت مجبور لين مشو خخ

عوقوب مريت الاهل من المدارس ورديت البيت وقعدت لي ال8 وشي جان اغفو وعالل9 يو الشباب ظروي وعليوي والزامل وعليوي نام بالدوانيه وطلبنا من هارديز وبعدين يو فهيد وسموي وعمور بعدين يا منيس والفظلي ومشى الزامل عال12 ووراه عمور عال3 وشي ووراه فهيد وسموي عال4 وعقب ظروي وعليوي عال8

أحداث مهمه :
1- اااع
2- شكرن عالقصص
3- اليوم تعلمت ان الحمير عيونهم تلمع خخ
4- مشتهي لحم .. لحمممممممم
5- عليوي كنق او دا ويييييي .. ومنيس .. هه
6- ز.بدر الفظلي
7- شلابسين ؟
8- فرقة عبدالله وظاري وعلي للحفلات

اليوم اسم الله عليي قعدت 9 ونص مبجرر مادري شفيني .. عال12 رحت الكليه ماعندي محاظرات ولكن بغرظ السوالف والالخ الخ ..

وبعد ما اتممنا ورقة فتحت الكلاس وعطيتها السداني .. عال2 رحت مرينا للزميله (م) والزميل (ب.3) للبحث في صالة الفندق حيث سيجرى الحفل هونالك ..

بعد ماخلصنا رحت محاظرتي بشويخ وعقب رديت البيت ومامداني اقعد دق علي حمني الخميس قالي تعال اخذ فلوس وودهم المطبعه ورحت ودق عليي بدر قالي انا ببيتكم ورحت البيت لقيته بالدوانيه مع حمد بعدين مشى وحمد قعد يكتب السيفي اووااوااواوواواوا

المهم مشى حمد ورحت خمدت انا مبجر عال11 الا

أحداث مهمه :
1- شكرن يامادري منو تشتقل بالفندق عالعصير
2- بدر مهندس اظاءه
3- بدر يتعرف على زلمات ويسافر وياهم
4- دكتور ظافر لي انا وثامر : تكفون دشو
5- واحد ويانا مواصل بمادة التاريخ الدكتور يقول تخيلو يناديني يمه خخ

اليووم قعدت مادري متى جنه 5 الفير .. شبكت لقيت عليوي مواصل قلتله امش نروح نتريق .. دقيت على بوعزوز واجاب النداء .. منيس كان نايم فمايا .. رحنا تريقنا وردينا الدوانيه ولقيت جسوم شابك قالي امش شباب مبارك قلتله توني راد منه خخ .. ويانا جسوم الاقرع يتقبل الله وحمدالله عالسلامه وقعدنا سوالف لي ال10 وشي مشينا ورحت شوي ..
رحت محاظرتي الساعه 11-12 وشربنا كوفي من نستله بالاداريه .. رحت الكيفان قعدنا سوالف وهاكذا ثم مريت اختي الي المفروظ تطلع 1 وثلث مريتها 2 وعليه .. رحت البيت بسرعه بسرعه لبست دشداشه وومكسر فوق هدوم الطلعه بلوزتي وجنزي وخذيت تكرمون جوتي الدشداشه بيدي وامي حطتلي بصحن ديايه وبطاط من كنتاكي

قعدت ااكل بالطريج عساس لا اتأخر مريت عليوي ورحنا المقبره حق دفان يدت يوسف الزامل الله يرحمها .. وعقب ماخلصنا من المقبره قطيت عليوي ورحت الاتحاد .. قعدت افصخ دشداشتي بالاتحاد شحلاتي
وقعدت بهدوم الطلعه .. بدى لااجتماع الساعه 6 ومشيت منهم عال7 لان عندي ميتنق الشركت .. رحت الميتنق وخلصنا عال11 وشي ورديت البيت خمدت

أحداث مهمه
1- راس احمد النجار مربع
2- علي البصري ومشيت الايد بالمخبه
3- عبدالرحمن الخميس : أنا اكره البرد
4- بدر العوظي : يمه ابي فلوس
5- علي لجاسم : آآ عمي عمي

اول شي احب اعتذر ان صارلي فتره ماكتبت بسبب مشكله صارت والله يجازي هالـ…

المهم ان الموقع نقلناه لسيرف ثاني والسيرفر القديم راح يتكنسل وبلا بلا بلا فراح اذكر الي اقدر اتذكره بالايام الي فاتت
أحداث مهمه :
1- علي مربع
2- منيس والفظلي سافرو
3- منيس والفظلي رجعو
4- علي البصري ملك الماريو قدم
5- اسم الله عليي يمعت 11 اسم شباب واشكر اوختي الصغير يمعت 10 بنات حق فتح كلاس اساسيات كتابت بحث
6- علي البصري والمشيه .. تريين تريين تريين تريين تريليللين تريليليلين

ااع قاعد احاول اتذكر ماطلع وياي شي للأسف ..

المناسبه : اهداء فوزه بماريو سوكر حقي
القائل : علي البصري
البدليه : اهديك الفوق
المقصد : اهديك الفوز