المناسبه :  السؤال عن التواجد
القائل : ظاري
البدليه : متى ينيت ؟
القصد : ها عليوي متى ييت ؟

كااان بودي .. اقعد حق صلات اليمعه .. لكن محد قعدني

قعدت عال2 وشي .. شبك لي ال4 ونص .. قمت بدلت وطلعت عالخط السريع حق ميتنق الشركه ولكننننن .. وانا بالطريج ادق على فهد يقول شوف الشباب .. سلطان بيسافر .. عبدالله مايرد .. طققق فووق تحت ورد البيت .

قعدت بالبيت لي ال7 وردينا المكتب وصارت بعض المناوشات واخرتها طلعنا بان بوقماز المدير التنفيذيي  .. أناا احتججج !

خلصنا عال12 ورحت حق سموي وكان هناك التالي :
سموي (طبعن) \ فهيد (طبعن) \ فهد الاصيل \ علي البصري \ يوسف الزامل \ ظارج العثمان \ راشد المعوشرجي

اففف مليت وانا امصخرك يايوسف .. بالسووني 2 و3 مافرقت

وطبعن قزروها ظاري وعلي على التكسر يا .. سموي لووول
وقعدنا برى نص ساعه نصور بالتلفون .. شي جميل حصلنا على 63 صوره خلال نص ساعه

وشكلي برد البيت عال4

أحداث مهمه 
1- بوقماز رئيس تنفيذي للشركت .
2- ظروي وعليوي ومسلسل الملاقه .
3- فهد الاصيل .. وفجأه بدوانية سموي .
4- السيقار الزقاير بطعم الفنيليا .. يمممم  ، انشالله مو كلنا ندخن 3 زقارات .
5- تصوير 63 صوره بأقل من نصف ساعه .

المناسبه : تفلسف
القائل : علي البصري
البدليه : تذكل ؟
القصد : تذكر ؟

اللله صارت عطلتي طوييله
امس نايم لي 1 لان محاظرتي 3 .. واليوم ماعندي شي .. وباجر يمعه عطله .. وعقبه السبت عطله .. يسسسسسسسسسسسسسسسسسسسسس

قعدت عاليوم عال2 وشي وقعدت احوس بالقرفتي والصالت الي تحت وجذي ..
عال7 ياني الشيعي يوسف الزامل مع ظاري .. ثم يا عليوي .. بعدين سموي وفهيد .. بعدين منيس والفظلي .. بعدين طروق الهولي

قعدنا وطلبنا من الهارديز .. ولعبنا سوني وكالعاده مصخرت الشيعي .. عوقوب قعدنا  بالحديقت مع ابوي وسوالف وافلام الفظلي واخو عليوي خخ

ومشو الشباب عالساعت 2 وشي ونمت عال3 وشي

أحداث مهمه

1- عليوي ريحت دلاقه زواع.
2- طارق الهولي .. اي واللله .
3- الفظلي سقط .

شفطيييت على محاظرت الساعه 11-12 لان ماعنده سيارت

سو قعدت عالساعه 1 وشي .. رحت موحاظرتي مالت الساعت 3ونص لي 5
رديت البيت تقديت وقعدت لي 6 ونص رحت حق بدر بالاتحاد .. لقيت الجماعت هناك وقطيت ويهي بالدوره ماكو شقل

عوقوب رحت حولي المكتب قعدت لي 10 خذيت الراوتر قطيت الموظف عند محطت الباص ورحت النادي العلمي عشان اعطي واحد الراوتر

خوش مكان والله اول مره ادشه .. كله طيايير وفريكس يقعدون يفججون ويصلحون مادري شيسوون خخ

عوقوب رديت البيت ونمت عالساعت 2 جنه
أحداث مهمه 

1- الساعه 5 الا
طارق (يحن) : يالله عبدالله خنروح ناكل  .
عبدالله : زين بس خنروح السياره اييب فلوسي .
طارق (يحن) : خله عليي امش خناكل قبل لا يأذن .
عبدالله : شنو صايم ؟
عبدالرحمن الخميس : عبدالله ياقبي بيحن عليك بيقولك امش ناكل قبل لايأذن يعني صايم ؟ وحتى اذا صايم مو وقت امساك
* عبدالله يبتسم بإبتسامه قبيه
2- بدر شريييييير ويبي يصير نسيبي بس …
3- قريت قصت الشاطر محظوظ وخلصتها واستفدت منها اشياء وايد .. ان الشاطر محظوظ خروف وعرظ حياته للخطر عشان ينقذ الاميره ويتزوجها .. خلصوو البنااات ؟

قعدت من النوم عال10 .. طبعن عقب ماغسلت وخلصت سويت فلم
نص ساااعه وانا ادور سويتش السياره .. واقعد امي وابوي ويدرون وياي ويقعدون اختي وتدور .. اخر شي طلع بمخبات بلوفري الي لابسه امس واااه

رحت شويخ داومت عند القريوتي بعدين المختبر .. رحت حق دكتور مناور مكتبه وماحصلته .. دقيت عليه وشفطلي .. دزيتله مسج وشفطلي اكثر .. مشكور
مريت خواتي من مدارسهم ورديت البيت ..

ماطلعت اليوم بس قاعد ومجابل شغل ام زنود واعدل واحط وارفع وانزل واعدل واحط بسيدي وااخذ من سيدي هففف

والحين الساعه 2 وبخمد .
أحداث مهمت

1- شكرن عالعشى .. بس الصمونه كبيره لدرجة انها شقت حلجي
2- Ponyta .. u win .. i’ve add u
3- عندما تتدهور علاقة جاسم وصديقه الجديد الأبوه .

وقعدت من النوم عال10 وأشكر الي مرني من البيت وراح فيني للكليه ..

الجو كان فعلن رائع ذكرني بايام الكورسات الي فاتت ايييه .. داومنا المحاظرت وطلعنا وكان ناطرني جسوم بيسوي سيرفس حق سيارته ..
رحنا بيتهم وخذا سيارت ابوه وانا خذيت سيارته ورحنا قطيناها السيرفس ..
ردينا الااداب وطلبت توست ونص الباجي مادري عطيته منو .. وقعدنا لي 3 ورحنا الشويخ

داومنا واستأذنا من الدكتور قبل نص ساعه من نهايت المحاظرت وهذا بعد ماسئلني عن جنسيتي ما اذا كنت عراقي ام كويتي

رحت انا وطروق الدورت والبريك عزمني على تكه بمطعم هندي الظويحي
وردينا الدورت وكان اخر يوم وفعلن كانت دوره شيقه وشكرن يا فهد العيسى ماقصرت
عوقوب رحت مع جسوم عندي الدوانيت قعد شوي ومشى وعوقوب واعدت ام زنود خذيت منها شغلها ااااع
ورديت البيت ونومتي عال1 آي ثنك سو !

 أحداث مهمه

1- واااو وانيت اس ار تي 10 جداام عيني بالصج ولمسته
2- سوينا ورقه كتبنا عليها اسامينا انا والفلجاوي ودشتي وكتبنا عيال الااداب وربطناها بتفافيخ واطلقناها بسكوير الحقوق
3- دكتور ظافر *****
4- جاسم تعرف على واحد يديد اسمه ابوه
5- عبدالرحمن الخميس يقول لجاسم : بس لا اصكك
عبدالله يقول لجاسم : يصكك شدعوه انت تلفزيون ههههه
عبدالرحمن يخز عبدالله لعدت دقائق .. اسف

قعدني حموود السداني الساعه 9 بدلت وخلصت ومشينا عال9 ونص
رحنا بيت اخته بدل وخلص مشينا ورحنا الكليه وصلنا عال10

قعدت سوالف مع الشباب لي 10 ونص رحت مع المنيس الاداريه حق المحاظرت الوحيدت الي عندي بهاليوم .. الدكتور قعد ربع ساعه وقال عندي اجتماع ومشى .. يحلوك والله
واحنا طالعين من الاداريت ولا مسوين يوم فري نسيت شسمه .. المهم نادونا بنات مسوين كيك وتذوقنا وياااااااااا الااهييييي والله احلى كيك اوريو اكله بحياتي بالدنيا كلها مشكورين
خلصنا ورحنا الاداب الزيد شبك عشان يطلبله جوتي .. 3 طلبو الا انا ماعندي فلوس وعليه على قلبي
بس قلت حق حمود المنيس لي خلص منه يعطيني اياه

عوقوب قعدت مع المتان سعودو وعليوي ولي ال2 ونص مشينا ورحنا المطار سعودو كان عنده شقله حق ابوه بعدين قطني البيت صليت ورحت شويخ لان بدر كان يحننن وااااايد
رحت وورينا البنات التصاميم مالت اسامه بعدين رحت مع بدر الدوره وقعدنا نعدل ونسوي وعقب الدوره رحنا الاتحاد وظبطنا وعطيت بدر الشقل عشان يطبع باليوم التالي
وقطيت بدير بيتهم ورجعت البيت ونمت عالساعت 2 الا .

أحداث مهمه

1- أنقذت حيات سعود من سياره كانت راده عليه قري
2- حاولنا نرد فلوس الزيد المبيوقه من ارماني !
3- عزمني بدر على هارديز
4- افلام بدر على قنات الكويت

ممم قعدييت الصبح عال10 من التلفونات وكل شوي احطه سايلنت واحاول انام لين قعدت عال1ونص

على ماخلصت شقل ام زنوود اففف لعوزتني .. المهم عال4 نزلت خالتي كانت يايتنا تغديت عالطاير ورحت الدورت بالشويخ

لقيت الاصدقاء هناك وكانت خوش دورت ابدعت فيها بصوري لووول
الماك كامرته منه وفيه وفيها افكتات حلوه .. وكل شوي مصور نفسي شحلاتي خخخخ

خلصنا عال8 وربع رحت المكتب وصلت عال9 الا وكالعاده اطلع متنرفز .. ماعلينا

رديت البيت عال12 الا وخالي فواز يايبلي هدوم شتويه مشكووور وفرت عليي مبالغ طائله

ودقيت على حمود عساس يقطني باجر الكليت بما ان ماعندي سيارت .. والحين الساعه 1 وثللاث وبنام ..

الوداعن

المناسبه : بقول حق حمين شي
القائل : سنعس
البدليت : تدري شنو آكل ….. (وسكت)
المقصد : تدري شنو آخر شي كليته