قعدت ١١ بليل وبطني يعورني ماقدرت انام عدل
ولايعه جبدي بس مابي ارجع لاني ماحب
ولكن وصلت حددي جان اركظ الحمام وازوع بوااااااعععععع .. والمغسله كلها بيكون ودياي واشوف المنظر وتلوع جبدي زياده وازوع بوااااع
وتحسنت الحمدالله وقاعد شابك لي الصبح ونمت وقعدت عالعشر و١٢ ونص كان عندي ميتنق فن كلب والجو كان جدن جددددن غبار والسماء برتقاليه ..
رحنا الميتنق وقسمنا الشغل ورديت البيت عال٣ قاعد شابك وجدن دائخ .. رحت الافنيو ٥ وربع وقعدنا ننظم حق الفلم والحمدالله كل شي كان قوود .. ويا من اصدقائي ظروي ورشود والشيعي وسموي وتقي ورياظ ..
خلص الفلم ورديت البيت مانمت الا الفير

وقعدت من الصبح وخلصت شغلي ورحت الحلاق وقصيت مارينز ماشياً على خطى يوسف الراشد
بعدين مرني جسوم وشرينا ريوق من كيفان حق يوسف وزملائه بالعمل .. وتوجهنااااا لوكااالت بي أم دبليووو ودشينا بيدنا جيس مطعم هندي ورحنا مكتب يوسف وتعرفنا على زملائه وقعدنا سوالف ساعه تقريبن ومشينا رحنا شاطئ شويخ وقعدنا نجرب القلايد ونصوررر .. ثم رحنا الديره وحسنا وصورنا شوي وكنت قاافل.. وجوعان .. بعدين رحنا بيت جسوم كبتشرنا وطالعنا الفيديوات وقعدنا شوي ثم ميت من اليوع وتعبان رحنا الافنيو جوني روكت وطلبت مايفوق طاقتي وكليته كله .. وبما اني دااائخ جدن رديت البيت ونمت ..

قعدت عشر بليل ونزلت لقيت احمدو والشيعي .. ثم يا جسوم ..
وركبنا القلايد وحدنا مستانسين .. عال٢ ونص رحت المطار اجيب اختي .. رحت كليت من كنتاكي هناك وخذيتها وردينا البيت ..
قعدت شابك لي ٧ الصبح نمت .. جان اقعد ١١ الظهر
قعدت هم شابك لي صلات الظهر ونمت وماقعدت الا ١١ ونص بليل .. شال.. !

وقعدت من ال٨ .. الى التأمينات .. الى الهيكله .. الى الخالديه .. الى الهيكله .. عالفاظي ..
جان امر الشيعي ورحنا عزى علي الحساوي لوفاة والده
خلصنا وقطيت الشيعي وسفطت بالسره ومرني يوسف الراشد .. علبونه مدشدشين قلنا بنكشخ خنروح فرايديز ..
ولا ماافيه ولا قطو ويعصب يوسف .. يوعااان انا ابي ناس
تكفه سونقوس خنروح الافنيو .. يالله
وقالي خنروح مطعم قالتلي عنه نوريه يم مسافط كارفور .. سفطنا .. مالقينا المطعم .. وين قررنا ناكل ؟ بإييكياا الي صاير آآآآخر المجمع .. وزححففف
ومكسري صاير اطول من دشداشتي .. جدن جدن مهلق ..
وصلنا ايكيا .. يوسف طلب مجبوس دياي .. انا طلبت ستيك وسوشي ..
كلينا وسوالف وخلصنا جان نرد بننزل من المسافط .. وانصجمنا واقفين جبال الجام عبالنا باب طلع جام لووووول ..
ركبنا السياره ولا برى المطعم مال نوريه لاااااا ..
وقطني سيارتي ورديت البيت ونمت ماقعدت الا بالعشر بليل

وقعدت من الصبح وتهندمت وزهبت الى ش.ح وصار الي صار ورديت البيت وياني صباغ بس كنسلته لانه طلب الكثير من الاموال .. 
نمت العصر وقعدت بليل ويوني الشباب وهم ماطولت ونمت الفير عشان اكمل شغل اليوم ..

وصرااخ الياهال وكل شوي احد داش غرفتي يقعدني واغاني ولوووياااا ماقدرت انام عدل
ابوي عازم ابناء السنعوسي مع ابنائهم والبيت صار جدن لويه ..
وكل شوي قووم يدتك تحت .. زين شدعوه ماشوفها الا ببيتنا :\
سبحت وبدلت ونزلت وجاان الناااس ايببون ويفرحون لاني نزززلللت .. وقعدت اسلم جان اييني ياهل مادري منو ويرفسني ويقولي سلم
قلتله اسمحلي وسلمت عليه ..
وقاعدين سوالف لي عال٧ رحنا بولنق جاسم ولد عمي وبأول قيم طلعت الأول
وثاني قيم طلعت الثاني
بعدين قعدنا وسوالف جان ادق عالشيعي يمرني وخذاني رحنا شارع المطاعم طلبتلي اكل ورحنا البيت ولا عزوز الحوطي هناك .. وخارها كالعاده ويابلي قيتار ولعبتين مشكور عزيز..
ومشيت منهم عال٣ عساس انام ومانمت الا بالاربع ..

أحداث مهمه
١- تعرف على عيال عمي اليدد.
٢- الياهال عفسو دوانيتي.
٣- عزوز : سامويل جاكسون فحل !
٤- عزوز : يوسف مايعجبني بس عبدالله يعجبني !
٥- اكوواااارييزماااا

قعدت الساعه ٤ لان عندي لعب الساعه ٥ ويريتني مارحت لاني داائخ جدن .. ذهبت للعب وخمبقت طبعن ولقيت عمور هناك .. خلصت ورديت البيت جان اتلحف بالدوانيه ولا يدش سلوم .. وولود .. ويا عمور .. وسموي وفهيد وظروي وجسوم وطعاس والسلم باكستان ويوسف الراشد والبصري وفهيد العجيل وحمود سداني وبدر العوظي وعبدالله الوقيان وواحد يصيرله وااا لا اله الا الله .. طارت النومه ويا اليوع وانا ميت من اليوع نااطر اكل جسوم
وصل المنديييي عال١١ الا ..وجااان ندبه ندبببب .. مشكووور جاسم لانك عوظت الاسبوعين الي طافو من الدجاج
ثم عال١٢ يبنا كيكت سموي وغنيناااله يحليله كبر
وقعدنا سوالف وسوني والشباب تسدحو ومشو كلهم وبقى جسوم وعليوي .. وعلي كالعاده اول واحد يقول بمشي ومايمشي الا الصبح .. وفعلن مشى عال٧ وانا ماقدرت اكمل وسدحت عمري عال٨ وجسوم مادري عنه .. 

أحداث مهمه
١- هابي بيرث دي سامي .
٢- دائخ.
٣-السلم صار رفيج السلم .
٤- احمد مايستحي. 
٥- لازم نحط حد حق احمد !
٦- مشكور جاسم عاللحم.
٧- علي : اطربنا ياجاسم اطربك الله .
٨- فلم ستار وورز قريبن.

نمت يمكن عال٩ وقعدت عال٦ على اساس ماخرب نومتي يعني .. ويو الشباب الدوانيه وقعدنا سوالف وعالفير مابقنا الا انا وعليوي وجسوم .. طبعن علي من الساعه ١٢ واهو يقول بيمشي ومامشى الا عالساعه ٩ الصبح .. وانا حددددي دايخ وعندي موعد الساعه ١١ ونص وجسوم سدح نفسه ونام
جان انام عشر واقعد عشر ونص وابدل واروح .. وانا بالطريج توني بوصل ولا يقولي الموعد تأجل
رديت وصليت الظهر ونمت عال١ .. ونكمل اليوم التالي

وفعلن جاسم مانام ومشى متأخر وانا نمت عال٦ .. وقعدت ٦ !
رحت انا وطعاس وسلوم وظروي اخوه عرظ المعارظ والكويت كللها بجالياتها هناك .. عساس احمدو بيجدد اشتراكه وطلعنا برى شرينا شورما وكلينا ثم رحنا العدان احمدو شراله عشى .. ثم ردينا الدوانيه وكان هناك الشيعي .. ويا جسوم بوقت متأخر بعد ماانشفطله من ناس عديده ..
قعدنا شابكين وسوني وسوالف لي حروت ال٣ انا والسلم رحنا ممشى الاكواريوم وانا معاي الرب ستيك .. وطقيناها مشيه من مرينا كرسنت لي الاكواريوم وردينا ..
بردتنا جان اشقح هذا مال التزحلق
وووناسه جان ايي الأمن وعطيناه زقاره وخلصت وطلعت .. من تحت السور والمصري بغى يقط عليي قطه جان اقطها قبله
وخلصنا ورحت بروحي شارع المطاعم شريت بيبسي ورديت البيت اطالع تتريلات سينما ٤د والحين الساعه ٨ وبصعد انام

أحداث مهمه
١- طا طا سلوم مايعرف يلعب .
٢- وات تايم از ات ؟
٣- سلامات ظاري ماتشوف شر.
٤- طعاس: انت شنو اتيي هني تنام ببيتكم تنامون على حصير ؟! .. انا: حصير منقا لاااه